Corpus Van Reenen-Mulder (CRM14): Oorkonde O652r33403

Wij scepenen van liedeker_ En_ van leewe maken Cont en_ kenliic allen den ghenen die dese jeghe_wordeghe lett_en sullen sien of horen lesen dat allen den ghenen die hem rechts vermaten of vermeten mochte_ ane drie pond parisise dewelke erfelec En_ jaerliics ghaen vten ghelaghe dat vranken den coghe toehoerende es En_ sinen kind_en gheleghen in de p_chie van leewe vorseid en_ daer hi op den tiit van nu in woenende es wel en_ wettelec dach gheset was te liedekerke voer de wet En_ daer af eene ghenachte bi wette ghehouden de and_e en_ de derde en_ de vierde van noetsaken en_ al bi wette En_ daer na veruaen ten hoefde En_ voert alle verwiist wel en_ wettelec vervolcht vteghenomen den Conue_te van Nieneue met den~welken tvonnesse dat wi ten hoefde haelden en_ ouer vonnesse vit~ghauen ghinc en_ liep wisende den vors_ conuente de vors_ drie pond par_ erfelec en_ jaerliics op tvors_ ghelaghe te heffene en_ mids dien gheliic dat voerscreue_ es dat alle deghene dien dach te liedekerke gheset was gheliic dat voerscreue_ es wettelec ueruolcht waren vteghenomen den vors_ conue_te den~welken joffrouwe Cleme_tie_ van liedekerke de vors_ drie pond par_ erfelec en_ jaerliics op tvors_ ghelaghe te heffene ghaf in aelmoesenen te haren pitancien Jn kennessen der wareden so hebben wi scepenen vorseit dese jeghenwardeghe lett_en beseghelt met onsen zeghele vithanghende dit was ghegheuen jnt jaer ons h_en doeme_ screef Dusentech . CCC . dertech en_ viere