Corpus Van Reenen-Mulder (CRM14): Oorkonde O652r33601

Gheeraert heere van Rasenghem . van lens . ende van liedek_ke . ende Allise ons wetteghe wijf . vrouwe van den seluen lande doen te wetene allen lieden . dat wij mortificeren ende vrien also verre alse wijt moghen doen sonder te mesdoene Jeghen minen heere van vlaendren . van allen croeweiden ende eractien ouer ons ende onse naco_mende oer heeren van liedek_ke . Religieusen lieden . den Abdt ende den Couente van NIeneue . o_me gode ende te zalecheit van onser zielen . Dertien dachwant mersch lettel men ochte meer gheleghen te . Nederliedekerke in lessenborch in deene side de denre . ende in dander side neuen wouters mersch van der Rijst . Den~welken sij hebben ghecreghen ende ghecocht ieghen arnoude van ympeghem . ende daer toe dat sij wettelike comen sijn na sede ende costume van onsen heerscape van liedek_ke . Jn kennessen van welken dinghen so hebben wij . Gheeraert heere vorseit dese ieghenwordeghe lettre bezeghelt met onsen p_pren zegle vtehanghende ouer ons en_ ouer . allisen ons wettechs wijfs . vrouwe van den seluen lande . O_me~dat soe negheenen p_pren zeghel op den tijt van nv en heeft . Ghegheuen Jnt iaer ons heeren alse men screef . Dusentech . drie + hondert . Dertech en_ viue . op onser vrouwen dach die leit in maerte .