Corpus Van Reenen-Mulder (CRM14): Oorkonde O652r34201

het sii Cont allen denghenen die dese jeghenwardeghe Cyrog_phie selen sien ochte hoeren lesen dat jan van boutersbrugghe es sculdich der pitancien van der abdien van Nieneue xxiiij oude g_te Coni_x tornoyse vanden gherechten slaghe van vrankerike tsiaers Erfeleker Renten dewelke rente de abdt va_ Nieneue en_ tco_uent vander seluer stede cochte_ en_ v_creghe_ jeghen wout_en heinr_ sone vanden bouchoute om eene somme van pe_ni_ghen dewelke de abdt en_ tco_uent vors_ den vorscreuene_ wout_en wel en_ wettelec betaelden te sinen ghemoede en_ te sinen goetdinkene so~dat hi de abdie vors_ van dier sommen wettelec quite scalt jndewelke erfeleke rente wout_e vors_ verbant wettelec hem selue_ siin oer en_ sine nacomelinghe dat si dese vors_ rente souden ghelden eewelec en_ emm_mier elcs jaers te paeschdaghe en_ emmer elcs jaers te belokenen paeschen den paeschdaghe naest volghende vergouden te sine in also sulker munte_ alse vors_ es ochte in die werde and_e goder munten En_ estewetene dat de vors_ wout_e dese vors_ erfeleke rente bewiisde en_ besette der pitansien vors_ op eene hofstede gheleghen in de p_chie van asplaer ter stede daer men hiet ten apont_e bi also dat hi dese vors_ rente soude moghen af~quiten vander stede vors_ En_ elic besetten waert ware binnen der grauescepe van aelst op _ mile na der abdien van nieneue vors_ daerse wel beset ware En_ estewetene dat heinr_ vander beken dese vors_ hofstede heeft ghequiit vander renten vors_ En_ heefse wettelec bewiist en_ beset op eene hofstede es jans van boutersbrugghe En_ es ter stede dat men hiet ter beken dewelke hofstede men hout van heinr_ va_ der beken vors_ dewelke hofstede es jans van boutersbrugghe En_ es te wetene dat jan van boutersbrugghe En_ joffrouwe mergr_ van der beken siin wetteghe wiif hem hebben wettelec onterft van deser vors_ hofsteden bi mani_ghe_ va_de_ meyer en_ bi wiisdome van scepenen ter vors_ pitansien bouf en_ de vors_ rente En_ in alder seluer maniere_ so esser~in gheerft broeder jan de waghenmak_e alse sterfelec laet En_ broeder jan vors_ heeft weder ghegheuen teenen erfeleken pachte dese vors_ hofstede janne en_ joffr_ mergr_ vors_ bi also sulken Conditien en_ vorwarden dat jan joffr_ mergr_ vors_ haer oer en_ haren nacomelinghe dese vors_ rente selen ghelien elcs jaers te also sulken daghe en_ met also sulken paymente alse hier vors_ es En_ oec den h_e daer men de vors_ hofstede af hout sine rente die hier + op heeft sonder jet af te slane vanden xxiiij g_ten vors_ En_ ware so sake dat jan ochte joffr_ mergr_ vors_ haer oer ochte haren nacomelinghe dese vors_ rente niet en betaelden elcs jaers ten daghe en_ met alsulken paymente alse vors_ es den pitansier vander abdien vors_ ofte sinen sek_en bode so soude broeder jan vors_ ochte deghene die sterfelec laet sal siin vander renten vors_ sine hant moghen slaen ane de vors_ hofstede en_ ane al dat hier + op boude eert~vast en_ naghel~vast en_ daer mede doen sinen vrien wille alse met sinen p_p__en erue sonder jeghen jemene te mesdoene en_ sonder jemene daer af iet weder te kierne en_ alle dese dinghen vors_ siin ghedaen wel en_ wettelec na sede en_ coustume vande_ dorpe bi consente vanden (onleesbaar) (onleesbaar) bi mani_ghen vanden meyer en_ bi wiisdome van scepenen van asplaer Hier ou_ waren alse meyer jan de meyer van hasselt heinrec pot wout_e vander haghen jan vanden boengarde en_ jan de mascher alse scepene_ dit was ghedaen jnt jaer ons h_en doeme_ screef dusentech drie + hondert viertech en_ twee tsondachs de_ and_en dach van merte ten vitghane