Corpus Van Reenen-Mulder (CRM14): Oorkonde O652r34401

het sii Cont allen denghenen die dese Cyrog_phie selen sien ofte hoeren lesen dat jan heinrix Rutinx sone van pollaer heeft ghenome_ teenen Erfeleken tseinse jeghen goesine den paeu van houtem een stuc mersch groet een dachwant en_ een half lettel men ofte meer gheleghen te pollaer bouen torp neeuen den elsbrouc inden herbrants mersch omme sesse en_ twintich scellinghe parisise tsiaers Erfeleker renten / Tegheldene goesine voerseit ochte den ghene_ die dese Cyrog_phie bringhen sal elcs jaers eeweleke duerende te sentemertens messe met alsoe sulken ghelde alse daer men de_ h_e vanden dorpe mede betaelt sine erfeleke rente / En_ dese vors_ rente so heeft de vors_ jan wettelec bewiist en_ beset op de_ vors_ mersch en_ noch op een ander stuc merschs van siins selfs mersche twelke gheleghen es tuschen den vors_ mersche diehi tseinse heeft ghenomen jeghe_ goesine vors_ en_ tuschen peeters mersche van meerehoutte / En_ vte den voerghenoemden mersche de_~welken jan vors_ te tseinse ghenome_ heeft es men sculdich jaerlec en_ erfelec der Capitelen van Anderlecht twee scellinghe parisise En_ joffrouwen liisbetten raes tshagemuters wiif wilen was viue en_ twintich pe_ni_ghe par_ En_ haren kind_en die si hadde van peet_en van aspelaer viue en_ twintich penninghe par_ / En_ heinrix kind_en van asplaer viue en_ twintich pe_ni_ghe par_ / En_ Miin her janne van . AA . sesse pe_ni_ghe parisise en_ eenen halue_ Capoen en_ voert soe es de voers_ goesiin sculdich den h_e van pollaer ute eenen dachwande mersch en_ eenen halue_ lettel men ofte mier gheleghen inder liede mersch neeue_ ghierarts mersch van oute_ en_ gilliis vander meeren / drie en_ dertich pe_ni_ghe parisise jaerlec En_ alle dese voerghen_ rente_ so heeft de vors_ jan gheloeft en_ es sculdich tegheldene jaerlec in minderinghen van den voerghenoemden sesse en_ twintich scellinghen en_ den voers_ goesine daer af costeloes en_ scadeloes te houdene / En_ mids der vors_ renten die jan ghelden sal gheliic dat vors_ es soe bliift hi sculdich den vors_ goesine ochte den ghenen die dese Cyrog_phie brachte jerlec en_ Erfelec dertien scellinghe en_ neghen pe_ni_ghe parisise ten termine gheliic dat vors_ es En_ alle dese vors_ dinghen siin ghedaen wel en_ wettelec na sede en_ Coustume vanden dorpe van pollaer neghiene sake van rechte achter ghelaten En_ om~dat si selen bliuen vaste ghestade en_ wel ghehouden / so waren hier ou_ alse scepenen van pollaer Cornilliis de driu_e Cornilliis van pollaer Ghierart claus sone was van oute_ en_ wout_e van mansdale dit was ghedaen jnt jaer ons h_en doeme_ screef dusentich drie + hondert viere en_ viertich sdisendachs na sente (onleesbaar) dach