Corpus Van Reenen-Mulder (CRM14): Oorkonde O652r34601

het si cont allen den ghene_ die dese cyrographien selen Sien en_ hore_ lesen / dat her gillijs de crudenare heeft ghecocht en_ wel en_ wettelec vercreghen en_ wel betaelt / Jeghen Janne de_ meyer van hasselt twintech groete tornoyse tsiaers erfelecker renten euwelec staende en dure_de / en dese uorseide . xx . groete tornoyse tsiaers soe heeft Jan uors_ gheloeft wel en_ wettelec te gheldene elkessiaers en_ van jare te jare telke_ kerssauo_de / en_ te sente Marien lichmeesse daer nast volghende al volgolde_ te sine den her gillise uors_ ofte den bringhere van deser cyrog_phien met alse seelke_ groete_ alse de heere van den lande sal ontfaen elkessiaers van sine_ rente_ / vort es tewetene dat jan vors_ heeft beseet en_ bewijst en_ gheassingneert de_ h_ gillise uors_ dese uors_ . xx . groete tornoyse tsiaers op een halfbunre merschs lettel meer ofte me_ dat gheleghe_ es in lancbroch neuen de hofstede die was gheraerts smeyers te hasselt / en_ desen uors_ m_schs hout me_ van den h_ cornillise roestocke / vort soe es tewetene dat jan vorseit hem wettelec heeft ontherft van desen vors_ mersche en_ her gillijs vors_ wettelec daer toe ghedaen alse te sine_ p_peren erue dese dinghe_ ware_ al wettelec ghedaen bi maninghe_ van den Meyer en_ bi wijsdoe_me van scepene_ / Jn manire_ ware dat sake dat de uors_ jan de Meyer / ofte sijn Oer ofte de ghene die desen uors_ merschs ofte erue houdende selen sijn niet en betaelde_ dese vors_ . xx . groete jaerlijcx telke_ kerssauo_de alsoet uors_ es / en_ sente Marien lijchmeesse daer naest uolghende ou_~lede en_ dese uors_ . xx . groete dan niet uolgolde_ en ware_ soe mach her gillijs vors_ ofte de bri_ghere van deser cyrographien sine hant slae_ ane de_ uors_ m_schs en_ houdene notende en_ plote_de teuweliken dagh_n ghelijc sine_ p_pere_ goede en_ sonder ieghe_ iemene iet te mesdoe_ne / Om_e~dat alle dese dinghe_ ware_ ghedaen wel en_ wettelec bi mani_ghe_ van den Meyer en_ bi wijsdoe_me van scepene_ soe was hijr ouer alse Meyer van asplaer heinr_ de neue ians vader uors_ / ende alse scepene_ van asplaer wouter va_ der haghe_ Heinr_ pot . Gillijs der kinder . Cornillijs van gapenberghe wout_ de driu_e . Heinr_ lobbe jan roynoit . dit was ghedaen jnt jaer Ons Heere doe me_ scref . &mring; . CCC . en_ . xlvj . sdisendaechs na sente mertens dach jn nouember . . . . . .