Corpus Van Reenen-Mulder (CRM14): Oorkonde O652r36402

Cont Sij en_ kenlijc allen den Ghenen die dese Jeghenwoordeghe Cyrog_phie selen sien ofte hoere_ lesen / dat come_ es voor ons / Meier en_ scepene_ van Scendelbeke een onderscheedich en_ een Religieus prelaet mijn heere de . Abt van Nieneue en_ heeft voor ons verkent en_ verlijt / Jn de name van sine_ godshuise / dat sij sijn sculdech eene_ edelen Man en_ weerden Mine_ h_ . . Janne van . . Aa . viere pond paris_ tsiaers / erfeliker renten / te betaelne te al~selken daghe / met al~selken verbonden / en_ met alselken paeimente / alse sine brieue spreken / de~welke die sine vorderen daer af ghehadt mochte_ hebben / en_ besedt sijn op een Stic Merschs / der pietanchien tsgoodshuis van nieneue voors_ toe~behoerende / Jn de prochie van yedeghe_ en_ in tscependoem van Scendelbeke / gheliic dat hi gheleghen es jeghen de Rijt ant veken . . voert soe es come_ voor ons Meier en_ scepene_ boue_~ghenoemt / een edel en_ een weerd Man / mijn h_ . . Jan van . . Aa voors_ / en_ heeft voor ons verkent en_ verlijt / dat mine he_e de . . Abt van Nieneue voorghenoemt dese voors_ viere pond par_ erfeliker Renten / Jeghen he_ heeft ghecocht en_ vercreghen / en_ wettelec betaelt / en_ sine_ voors_ mersch ghevrijt en_ ghequijt / En_ es hier toe bi wetteghen kercgheboden soe vele gheschiet / dat de voors_ mijn h_ . . Jan van . Aa . van des_ vors_ erfeliker rente_ / ouer hem selue_ / en_ sijn oer / ouer sine nacomers / ende ou_ alle sine medeghedeele / he_ heeft wettelike onderft / bj manijnghe_ van den Meier / en_ bi wijsdoeme van scepene_ / boue_~ghenoemt / En_ Jn alle der seluer maniere_ soe essere Cornelijs de backer van nieneue / tsgoodshuis behoef van Nieneue voors_ / alse sterfelijc laet wettelec toe come_ en_ Jn gheerft / En_ heeft daer af ghedaen Jeghen den he_e / Jeghen den Meier / Jeghen scepene_ / en_ Jeghen Jegheliken / dat hi sculdech was te doene / met den rechte na sede en_ co_stume / van der wettellijcheden voors_ / Soe dat de voors_ mijn h_ . . Jan van . . Aa ouer he_ selue_ / ouer sijn oer / en_ ou_ sine nacomers / en_ ouer alle sine medeghedeele gherenu_cijert heeft voor ons van allen tsiaertren / van allen brieuen / ofte forchen / die sine outvordere_ hier af ghehadt mochte_ hebben / tote den daghe der daten des_ Jegherwoordegher Cyrog_phien / onder wien / ofte onder wat persoene dat sij ware_ / ofte wesen mochte_ / en_ heeft die voor ons doet ghekent / sonder valuer en_ te nieute / en_ voert gheloeft op sine gheloefsaemhede en_ op sine eere / dat hi hem an de voors_ vier pond par_ / noch an tfoors_ bewijs ne_mermeer na desen dach / bi he_ selue_ / noch bi andere_ p_soene_ he_ eenich recht sal pine_ te heesschene / ofte in Eenegher manieren te verhaelne / En_ o_me~dat alle dese voors_ dijnghen vaste ghehouden Selen bliuen / soe es hier toe wettelike gheschiet / al datmenre sculdech was toe te doene na sede en_ co_stume van der wettellijcheden van Scendelbeke boue_~ghenoemt / negheene sake van rechte achter ghelaten / En_ waren hier ouer alse Meier . . Jan Otte / En_ alse Scepenen . . Jan van yedeghem / Cornillijs ympijn / Michiel meeus / Jan hughe / en_ Claus dibbout / dit was ghedaen Jnt jaer ons he_en / doemen screef / dusentich / drie + hondert en_ vier + en + tsestich / den Een + en + twintechsten dach van decembre