Corpus Van Reenen-Mulder (CRM14): Oorkonde O652r39701

Wij Euerart gheheten . Boete . Ruddere . Heere van pamele . ende margriete van Scoenhouen siin wettighe ghesellinne Erfachtighe vrouwe des heerscaps van pamele vorseit . doen cont allen den ghenen ieghewaerdich en_ toe te comene die deise l_ren selen sien ende hoeren lesen dat wij voer ons en_ voer ons oir ende naco_melinghe om_e gods wille ende o_e de zalicheit onser zielen en_ der zielen onsen naco_melinghen ende oec om_e sonderlinghe ionste en_ vrienscap die wij hebben en_ draghen toten eerweerdig_ Religieusen den Abt en_ conuente des Cloest_s van ? Cornill_ buten Nieneue der ordinen van pREmonstreit des bisscopdoems van Camerike hebben quijte ghescolden en_ scelden quite ganselec en_ altemale daer up vertiende en_ Renuntierende ouer ons zeluen ouer ons oir en_ naco_melinghe teweliken daghen . tot behoef en_ in orbo_e des vors_ godshuys . Alle corweiden van honden en_ van alreande and_e beesten . van voghelen . van dienste van houte ende alreande andere dienste . En_ oec corweiden die wij ochte onse vorders hier voermaels ghehadt hebben ende die wij . ons hoir en_ onse naco_melinghe in eenigher wijs heesschen zouden moghen in toe~co_mende_ tijden up tcloester~hof van pamele ochte up eenighe andere goede den vors_ Cloester toebehoeren_ die onder ons gheleg_ zijn . En_ bekennen ons noch onse naco_melinghe in negheen van den vors_ stucken eenich Recht meer behoudende . Ghelouen voirtmeer om_e tvors_ godshuys hier af te bat te versekerne voer ons en_ voer onse erfghenamen bij onser kersteliker trouwen en_ zekerheit ne_mermeer in toeco_mende_ tijden . bi ons zeluen ochte bi anders yemene van onsen wegen den vors_ Religieusen ochte tvors_ cloester~hof . ochte up eenighe andere goede des vors_ godshuys . eenich vande_ pointen vors_ te eesschene in eenigher mani_en . Behoudelec altoes onsen dorpe onse rechte . dat wij van rechte sculdich zijn te hebbene up tvors_ Cloest_hof . Dats te wetene eene_ waghen als tghemeene land ten orloghe w_t trect ende zij daer toe vermaendt wordden van tshe_en weg_ vanden lande van brabant . sonder dat in eenigher wijs te verminderne . ende w_t dat wij ochte onse naco_melinghe ochte yement van onsen weghen de contrarie dade in eenigherande point voerscreuen Soe conscent_en wij en_ versouken . dat de vors_ Religieuse moghen doen arrest_en onse goede ochte de goede van onsen naerco_m__en onder wat he_en gheestelec ochte weerlec in wat lande dat zij vonden moghen wordden . tot an dier stont dat wij van dien pointe den vors_ Religieusen ghenouch ghedae_ zulle_ hebben . Cost ende scade alsoe ghedaen den vors_ Religieusen up~gherecht en_ betaelt . En_ o_e~dat wij willen ende z?delec begh_en dat alle de voerscreuene zaken de_ vors_ godshuise van ons ende van onsen naco_meling__ teweliken daghen wel ghehouden wordde . zoe hebben wij hier af ghegaen en_ verteghen alles Rechts gheestelecx ende weerlecx vercreghen en_ te vercrighine alle vriheyt en_ alle anders ghew_s met brieuen . met possessien m_ herbringhene ochte in eenigher ander mani_en . dat ons stade doen mochte jeghen eenich point inden vors_ brief begrepen ende den vors_ godshuyse ochte zinen goede onstade doen mochte . ende sonderlinghe der exceptien dat (onleesbaar) vertienesse niet en diedt van rechte En_ hebben dies ende alle der zaken voerscreue_ te orconden onsen properen zegele vuthanghende deisen l_ren doen anhanghen . Uoert hebben wij om_e de meerre verzekertheit hier af ghebeden ende bidden n_enstelic onsen goeden vriend_ Janne den keghel Ruddere . Claus Scaec Bailliu van den graefscepe vanden lande van Aelst in deis_ tijd . heinric den vremden ende pieter den gay . manne van leenen ons v_moghends en_ z_e gheduchts h_en . sh_toghen van bourgongne_ Graue van vlaend_en . dat zij in kinnessen der waerheit allen der ding_ vors_ haren zeghele metten onsen deisen l_ren willen doen anhang_ . . ende wij jan de keghel Rudd_e Claus Scaec bailliu . + vors_ heinric de vremde ende pieter de gay manne van leenen ons z_e gheduchts h_en shertog_ van bourg_ne_ . Graue van vlaend_en ter n_enste bede ende begheerte_ (onleesbaar) Euerarts boets h_e vors_ ende vrouwe_ marg_ten van Scoenhouen zijnre wetteliker ghesellinne_ . hebben onsen prop_en zeghele metten haren deise l_ren doen anhanghen Jn kinnessen der waerheit alle der dinghen voerscreuen . den twee en_ twintichsten dach van wedemaend Jnt jaer duse? drie hondert zeuen + e_ neghe_tich