Corpus Van Reenen-Mulder (CRM14): Oorkonde O676r30902

Wj scepene_ van jtterbeke maken cont al den ghene_ die dese lett_en selen sien ochte horen . dat q_m vor ons jan van den droeghenbroeke en_ drouch op den meier in de hant ses dachwant bems in al de_ gheleghen dat te herdenbeke en_ onderfde hem daer af te willem haermans behouf van watermale bi mani_ghe_ smeiers en_ bi wiisdome der scepene_ en_ ouer~mids vier pont siaers ewelec en_ erflec staende en_ telken sente jans messe alse men croenen hangt te gheldenne met alsoe selken ghelde alse telken sente jans messe alse men croenen hangt in borsen gaen sal en_ met selken vorwarden ware dat sake dat men de_ vorgheseide_ willem haermanne niet en goude telke_ sente jans messe alse men croenen hangt ochte binnen der naester maent na sente jans messe alse men croenen hangt soe mochte hi de vorgheseide willem haerman sine hande slaen ane die vorgheseide ses dachwant bems en_ mocht houden alse siin erue . daer na q_m die selue meier en_ erfde de_ vorgheseide_ wille_ haermanne in die vorgheseide ses dachwant bems bi mani_ghe_ smeiers en_ bi wiisdome der scepene_ en_ met alsoe selken vorwarden alst op~ghedreghen was . en_ omme~dat dit waer was en_ dit vast en_ ghesteede bliue_ sal soe hebbe wi vorgheseide scepenen dese lett_en gheseghelt met onsen ghemeine_ segle . dese lett_en ware_ ghegheuen int jaer ons heere_ alse men screef dusentech drie hondert en_ neghenne sfrindaechs vore kersdach - -