Corpus Van Reenen-Mulder (CRM14): Oorkonde O676r31102

Wj scepene_ van jtterbeke maken cont al den ghene_ die dese lett_en selen sien ochte horen . dat q_m vor ons willem haerman van watermale en_ drouch op de_ meier in de hant vier pont siaers erflec gheliic dat hise v_creech jeghen janne van den droeghenbroeke en_ onderfde hem daer af te heinrecs behouf van boutsfort alse sterflec laet ter capelrien behouf te sente jans in de kerke bi maninghe_ smeiers en_ bi wiisdome der scepene_ en_ alsoe alse recht was . daer na q_m die selue meier en_ erfde den vorgheseiden heinrecke van boutsfort en_ alse sterflec laet ter capelrien behouf in de kerke te sente jans in die vorghenoemde vier pont siaers erflec bi mani_ghe_ smeiers en_ bi wiisdome der scepenen en_ alsoe alse recht was en_ omme~dat dit waer was en_ dit aldos vor ons ghesciede vast en_ ghesteede bliuen sal soe hebbe wj vorgheseide scepenen dese lett_en gheseghelt met onsen ghemeine_ segle . dese lett_en ware_ gheue_ int jaer ons heere_ alse men screef dusentech drie hondert en_ tiene in ingaenden meerte - -