Corpus Van Reenen-Mulder (CRM14): Oorkonde O678r39602

Wij Jan van + den berghe . deken en_ can_ijc in + der kerken sente peeters te anderlecht . vranke van + der zennen cantere en_ canonjc . Oste van + der heect canonjc . canoenke in + der seluer kerke_ voerseght en_ herma_ heerke_ priest_e late der capittele_ van and_lecht vorsproke_ . make_ cont en_ kinleec alle_ den ghene_ die dese jeghewoerdeghe lett_en selen sien ochte hoere_ leesen : dat qua_ vore ons in propere persoene . louijs de mol en_ droech op met wettegher vertienessen den mey_e der vors_ cap_len in de hant de helecht van twee hostaden gheleghen te and_lecht ter stadt gheheete_ te oppem op dat broec en_ onterfde he_ daer af tote behoef loijs spechals gielijs spechals wetteghe sone wile_ was . welke vors_ plaghen te houdene en_ te besittene . de ene siedinijs kind_e . en_ de andere kateline sceelkens . daer + na quam de vors_ mey_e en_ droech op dese helecht van desen twe hostaden in al + der maniere_ dat sij gheleghe_ siin en_ sij hem op~ghdraghen . louijse spechals vors_ : Ende dit al ghesciet bij mai_ghen van de_ mey_e die daer sculdich op was te manene . en_ met wijsdoeme van + de_ laten die daer sculdich op waren te wijsene also alse recht was en_ gheen poent van rechte achter~ghelate_ behouden yeghewelc sinen rechte en_ cap_len vors_ rechte seinse : om~dat dit waer es en_ aldus vore ons laten ghesciede soe hebbe_ wij vors_ late dese dese presente lettere_ bezeghelt elc met sine_ p_pere_ zeghele in orconde der waerheit Dit was ghedaen int iaer ons he_en alse me_ screef . dusentich . drie . hondert . neghentich . en_ . sesse . den eersten dach van december - -