Corpus Van Reenen-Mulder (CRM14): Oorkonde O678r39701

Wij herman heerken priest_e heinrec boxhore_ priest_e laureins de proest priest_e en_ ian van den bossche late der capittelen van anderlecht doen cont en_ kinleec allen lieden . dat quam vore ons in p_peren persoene louijs spechals . gieliis spechals wetteghe sone wilen was en_ droech op den mey_e der vorseider capittelen in de hant de helecht van tween hofstaden gheleghen te anderlecht der stad gheheete_ te oppe_ op dat broec . welke ene plach te houdene kateline sceelkens . en_ de andere plach te houdene siedijmij en_ sine kindere en_ onterfde hem met wettegher vertienessen te behoef he_e her ian ser aerts priest_e en_ in + den name van der cappelrien der heilegher drieuoldicheit te sente ians te bruesele . daer na qua_ de vors_ mey_e en_ droech op dit vors_ goet her (-) ser aerts priest_e vors_ tote behoef der cappelrien vorsproke_ in alle der maniere_ dat hem opghedraghen was . Ende dit al ghesciet bij mainghen van den mey_e die daer sculdich op was te manene . en_ met wijsdoeme van den late die daer op sculdich ware_ te wijsene en_ alsoe alse recht was en_ gheen poent van rechte achter~ghelaten dat daer toe sculdich was te ghesciene behouden jeghewelc sine_ rechte Jn orconde der waerheit soe hebben wij vorghenoemde late dese iegh?oerdeghe lett_en bezeghelt elc met sine_ p_peren p_peren zeghele . dit ghesciede in + den iaere_ ons he_en . dusentich . drie hondert . neghentich . ende seuene . achte daghe in de maent van nou_ber