Corpus Van Reenen-Mulder (CRM14): Oorkonde O738r31201

Wi scepenen van leneke maken cont alle den ghenen die dese lettere selen sien en_ horen lesen . Dat quam voer ons jonfrouwe Machtelt die men heet Michils dochter van elinghen si en_ haer momboer dien hare de Meier ghaf met den Rechte en_ lijsbeth hare suster en_ hare momboer dien hare de meier gaf alse recht was . en_ droegen op den Meier in de hant bi mani_gen en_ bi wijsdome alle dat erue dat si houdende waren alsoe verre alst behoerde ter banc en_ ten wijsdome van leneke en_ ont~erueden hen daer aue ser heinrex boef des capellaens van sente ghorex die wilen custere was in die selue kerke te sente gorex te brusele . bi mani_gen smeiers en_ bi wijsdome der scepene_ . en_ ouer~Mids . viftien ponden . siaers ewelec en_ erfelec staende en_ telken kersauonde te gheldene den ouden groten witten conincs tornoisen ouer achtien + penni_ge ochte de werde daer aue tere capelrien behoef in sente ghorex kerke te brusele vore genoemt . En_ met alselken voerwarden . ware dat sake dat men den vore~geseiden heren heinrecke nine goude te dien dage die vore gesproken es . soe mochte de vore~geseide her heinrec de capellaen sine hant slaen ane dat vore~geseide erue alse ane sine_ pant en_ vromen en_ onturomen . tote ane dire stont dat hi alle sine achterstellecheit aue~gedregen hadde en_ alle sine_ cost die hire ombe gedaen hadde alsoe verre alse hi den scepenen ?edenlec en_ mogenlec dunken soude . vort soe es te v_stane soe weltijt dat die vore~geseide jonfrouwen selen hebben gecocht . die uore~geseide viftien + pont jaerlikes erfelec op ene_ andren goeden pant ter vore~geseider capelrien behoef in die uore~geseide kerke en_ die wel beset selen sijn op tuee Milen na brusele en_ der vore~geseider capelrien genoech gedaen es en_ al op der jonfrouwen cost . so sal dat vore~geseide erue sijn ontco_mert en_ los en_ quite van dien vore~geseiden co_mere dire de vore~geseide her heinrec op heuet . vort soe es oec te verstane Soe wanneer dat de vore~geseide jonfrouwen selen hebbe_ v_gouden teere summen drie hondert pont den ouden groten conincs tornoisen ouer achtien pe_ni_ge ochte de werde daer aue soe dat menre rente mede copen mach ter vore~geseider capelrien behoef dan sal oec dat vore~geseide erue ontco_mert sijn en_ los en_ quite van dien vore~geseiden viftien + ponde_ dire de vore~gheseide her heinrec de capellaen op heuet . vort soe es te v_stane dat de vore~geseide Meier eruede den vore~geseiden heren heinrecke den capellaen in dit vore~geseide erue bi mani_ge_ smeiers en_ bi wijsdome der scepene_ Met alsoe selken voerwarde_ alst op was gedregen na seede en_ costume van den dorpe va_ leneke . En_ omme~dat dit waer was . en_ dit aldus voer ons gescide soe hebbe wi vore~geseide scepene_ dese lett_e beseghelt met onsen gemenen segele . Dese lett_en waren gegeue_ jnt jaer ons heren alse me_ screef jncarnatioen . Dusentech drie + hondert en_ tueleue smane_daghes na sente peters dach alse me_ c_nen vernouwet - - -