Corpus Van Reenen-Mulder (CRM14): Oorkonde O738r32601

Wiii @ scepenen van leneke maken Cont allen den ghene_ die dese lettre selen sien ochte hoere_ lesen dat jan linkenbeke heft v_creghe_ en_ ghecocht jeghen janne Cuute achte en_ Twintech scellinghe jaerlix erfeleke tere Capelrien boef jn sente goedele_ kerke van bruesele elx jaers te gheldene te sente baefs daghe van voreseide_ janne linke_beke_ ochte den ghene_ die dese lettre brachte en_ met alselke_ paymente alse telke_ sente baefs daghe ghemeinlec jn borse gaen sal jn brabant / En_ hier vore soe heft de + uorseide jan Cuut de_ voregheseide_ janne linkenbeke gheseet en_ bewijst te pande ene hofstat jn allen dien gheleghen dat + se gheleghe_ es te merleputte de~welke vorseide hofstat de voregheseide jan Cuut heft op~ghedreghe_ den meyer jn de hant en_ heme onterft daer ane bi mani_ghen smeiers en_ bi wisdoeme der scepene_ te jan linkenbex vorseit daer na quam de selue meyer en_ droch vort op dese voregheseide hofstat den voreghenoemde_ janne linkenbeke_ jn de hant en_ erfdene daer jn bi siere mani_ghen en_ bi wisdoeme der scepene_ en_ altoes behoudenlec jeghenwelx rechte na sede en_ Costume van den dorpe van leneke En_ met selke_ vorwarde_ ware dat sake dat jan Cuut vorseit den voregheseide_ janne linkenbeken niet en goude / ochte de_ ghene_ die dese lettre brachte de voreghenoemde achte en_ tuintech scellinghe ten daghe die vore ghesproke_ es en_ met alselken payme_te alse vore ghesproken es soe mochte jan linkenbeke vorseit ochte de ghene die dese lettre brachte sine hant slaen ane den vorseiden pant jn allen dien gheleghen dat hi gheleghen es ter vorseider stede en_ dien pant houden vromen_ en_ ontvrome_ ter voregheseider capelrie_ boef tote ane der stont dat hi alle sine acht_stellicheit en_ sine_ Cost die hi + ere toe ghedaen hadde en_ de scade die he_ daer ane coeme_ ware ane al hadde ghedreghe_ alse v_re op janne Cuute vorseit ochte op siin wetteghe oer daer hi sculdech ware te kerne en_ altoes o_me den vorseide_ erfeleke_ Cheins ter voregheseider Capelrie_ boef jn alle manire_ die vore ghenoemt en_ bescreue_ sijn vort es te wetene dat de voreseide jan Cuut dese voreghenoemde achte en_ tuintech scellinghe mach Coepe_ en_ besette_ janne linke_beke_ ter vorseid_ Capelrie_ boeft waer hi wilt binne desen heerscape daer + se wel beseet sijn en_ al sond_ jan linkenbex cost vorseit En_ omme~dat dit waer es en_ aldus vore ons ghesciede soe hebbe wi onsen ghemeine_ seghel ghehanghe_ ane dese jeghenwerdeghe lettre bi bede_ van de_ partie_ die vore ghenoemt sijn dit was ghedaen jnt jaer ? ? ? ? ? dusentech drie + hondert en_ tuintech sdonderdags na sente baefs dach