Corpus Van Reenen-Mulder (CRM14): Oorkonde O739r31202

Wi scepenen van Goyke maken cont allen den ghenen die dese lett_en selen sien en_ horen lesen Dat voer ons es comen ywein van + der loe van Goyke en_ heft op~ghedregen janne sinen soene Sine lijftocht die de vorgenoemde ywein hadde ane sijn gheleghe dat steet ten berghe dat wilen was Gerards die men hiet craenhals ende een half + dachwant lands dat daer~neuen ghelegen es dat de vore~ghenoemde Gerart houdende was Ende een half bunre bemds dat ghelegen es ten planxkene lettel men ochte meer alsoe alst daer ghelegen es Ende een half bunre lands dat ghelegen es op de h?strate lettel men ochte meer alsoe alst daer ghelegen es . Dit es ghesciet bi mani_gen Mijns h_en van crayene_ en_ bi vonnessen en_ bi wijsdoeme der vorgenoemder scepene_ va_ Goyke . Doe dit ghesciet was doe quam de vorgenoemde jan yweins sone van goyke en_ droech op tfoergenoemde gheleghe hoeuinge lant en_ beemt metter maten alsoe alst ghelegen was bi consente Mijns h_en va_ crayene_ en_ bi vonnesse der scepene_ vorgenoemt Mijn here heren amelrecke van + der hillen canonec en_ meyer der capittelen van + der kerken van sente Goedelen van brusele en_ dat ter capittelen behoef vorgenoemt . Doe dit ghedaen was doe quam de vorgenoemde Mijn here amelrec van + der hillen van der capittelen weghen en_ gaf den vorgenoemden janne yweins soene die vorgenoemde woeninge hoeuinge lant en_ beemt alsoe alst vore~ghenoemt en_ ghelegen es erfelec te houdene en_ te besittene op een tseins van vif ponden ghelds alsoe selcs payments alse in borse ghaen sal altoes te kersauonde te vallene en_ jn dertiendaghe elkes jaers naest volgende v_gouden te sine vort soe heft jan yweins soene geloeft ware dat sake dat hi den vore~ghenoemden tseins der vorgenoemder capittelen niet en goude ten daghe die vore ghenoemt en_ bescreuen es . Soe mochte her amelrec ochte die meyer ware der vorgenoemder capittelen hare hant slaen ane dat vore~ghenoemde ghoet ghelege hoeuinge lant en_ beemt ter capittelen behoef alse te haren erue en_ houdent alse hare gerechte erue sonder enech Restoer jemene namaels daer ane te doene . Dit was ghedaen jnt jaer ons h_en doe men screef Dusentech drie + hondert en_ tueleue achte daghe binne_ braechmaende - - - - -