Corpus Van Reenen-Mulder (CRM14): Oorkonde O750r30901

Wj scepene_ van aa . in leewe sente piet_s maken cont al de_ ghene_ die dese lett_en selen sien ochte horen . dat q_m vor ons jan van den droeghen~broeke en_ drouch op de_ meier in de hant ses dachwant bems in al den gheleghen dat te pede in tueen stucken gheleghe_ es des vorgheseids bems leit en bunre vore spapen hof te pede en_ en halbunre te herdenbeke en_ onderfde he_ de vorgheseide jan van desen vorgheseide_ bemde te wille_ haermans behouf van watermale bi mani_ghe_ smeiers en_ bi wiisdome der scepene_ en_ ouer~mids ses pont siaers ewelec en_ erflec staende en_ telke_ sente jans messe alse men croenen hangt te ghelde_ne met alsoe selken ghelde alse telken sente jans messe alse men croenen hangt in borsen gaen sal en_ met selken vorwarde_ ware dat sake dat men de_ vorgheseide_ wille_ haermanne niet en goude telken sente jans messe alse men croene_ hangt ochte binnen der naester maent na sente jans messe alse men croene_ hangt soe mochte hi de vorgheseide wille_ haerman sine hande slaen ane die vorgheseide ses dachwant bems en_ mocht houden alse siin erue . daer na q_m die selue meier en_ erfde den vorgheseide_ wille_ haermanne in die vorgheseide ses dachwant bems bi mani_ghe_ smeiers en_ bi wiisdome der scepene_ en_ met alsoe selke_ vorwarde_ alst op~ghedreghen was en_ omme~dat dit waer was en_ dit vast en_ ghesteede bliue_ sal soe hebbe wi vorgheseide scepene_ dese lett_en gheseghelt met onsen ghemeine_ segle . dese lett_en ware_ ghegheuen int jaer ons heere_ alse men screef dusentech drie hondert en_ neghenne sfrindaechs vore kersdach -