Corpus Van Reenen-Mulder (CRM14): Oorkonde O750r31101

Wj scepene_ van aa . in leewe sente piet_s maken cont al den ghene_ die dese lett_en selen sien ochte horen . dat q_m vor ons willem haerman van watermale en_ drouch op den meier in de hant ses pont siaers ewelec en_ erflec staende gheliic dat hise vercreech jeghen janne van den droeghen~broeke en_ onderfde hem de vorgheseide willem haerman van dien vorgheseide_ ses ponden siaers erflec te heinrecs behouf van boutsfort alse sterflec laet ter capelrien behouf te sente jans in de kerke bi mani_ghen smeiers en_ bi wiisdome der scepene_ en_ alsoe alse recht was . daer na q_m die selue meier en_ erfde den vorgheseiden heinrecke van boutsfort in die vorgheseide ses pont siaers erflec en_ alse sterflec laet ter capelrien behouf te sente jans in de kerke bi mani_ghen smeiers en_ bi wiisdome der scepenen en_ alsoe alse recht was . daer omme dat dit waer was en_ dit aldos vor ons ghesciede vast en_ ghesteede bliue_ sal soe hebbe wj vorgheseide scepene_ dese lett_en gheseghelt met onsen ghemeine_ segle . dese lett_en ware_ ghegheue_ int jaer ons heere_ alse men screef dusentech drie hondert en_ tiene in ingaenden meerte - -