Corpus Van Reenen-Mulder (CRM14): Oorkonde O750r31301

Wj scepene_ va_ leewe sente piet_s maken cont al den ghene_ die dese lett_en selen sien ochte horen . dat q_m vore ons andries die me_ heet hawels sone van nederhem die wile dat hiis wel mechtich was en_ drouch op de_ meier in de hant neghen dachwant lands dat me_ seit dat eighen es in al de_ gheleghe_ dat tusghen elinghen en_ leneke gheleghen es en_ onderfde he_ daer af te arnoud taebs behouf van bruesele bi mani_ghen smeiers en_ bi wiisdome der scepene_ en_ alsoe alse recht was . daer na q_m die selue meier en_ erfde den vorgheseide_ arnouden taben in dat vorgheseide lant bi mani_ghe_ smeiers en_ bi wiisdome der scepene_ en_ alsoe alse recht was . en_ omme~dat dit waer was en_ dit aldos vore ons ghesciede vast en_ ghesteede bliuen sal soe hebbe wi vorgheseide scepene_ dese lett_en gheseghelt met onsen ghemeinen segle . dese lett_en ware_ ghegheuen int jaer ons heere_ alse me_ screef dusentech drie hondert en_ dertiene sfrindaechs na sente baefs dach . .