Corpus Van Reenen-Mulder (CRM14): Oorkonde O750r32501

Wi scepene_ van . aa . in lewe sente peters maken cont allen den ghene_ die dese lett_en selen sien ochte hore_ lesen . Dat q_m vore ons lodewic die men seit franke ser goedens soene En_ droech op den meyer in de hant vief scellinghe nuwe en_ vire penni_ghe en_ tuee capune die hi hadde siaers op en hues en_ op ene hofstat die leit te linkenbeke daer ghertrud tskocs op woent en_ onterfde hem daer af tser arnouts behoef va_ viluorden bi mani_ghen smeyers en_ bi wijsdome der scepene_ en_ alsoe alse recht was . Daer na q_m die selue meyer en_ erfde den vorgheseyden her arnoude in alsoe selc goet alse he_ op~ghedreghen was te sinen behoef bi mani_ghen smeyers en_ bi wijsdome der scepene_ en_ alsoe alse recht was . En_ omme~dat dit waer was en_ dit aldus vore ons ghesciede soe hebbe wi vorgheseyde scepene_ dese lett_en ghezeghelt met onsen ghemeenen zeghele . Ghegheuen in jaer ons heeren alse men screef dusentech drie hondert tuintech en_ viue tsfrindaechs vore sente pouwels dach -