Corpus Van Reenen-Mulder (CRM14): Oorkonde P012p34701

Cont si allen den ghenen die dese lett_e selen sien en_ horen lesen . Dat Joffrouwe Katline wilen was Roelof boets wijf heet ghecocht wetteleec en_ wale tseghen wout_en den beckere . Veertecht scellinghe tsiaers erfflec en_ imm_meer te gheldene te Kerssauonde also selc ghelt alse ghemeinleec in borsse gheet / / waert dat hi hore niet en goude tusschen Kerssauont en_ onser Vrouwen dacht dat me_ kerssen dreecht naest come_de es So heet hi gheerft Jacob den costere in een buend_e lanst bi manessen smeiers van p_ke en_ bi wijsdome d_ scepene_ die d_ sculdecht op ware_ te wisene dat d_ gheen poent van rechte ane gheberst / / dit voregh_ lant es gheleghen te twe + staden . ond_ + half dachwant leghets bi paysmakers / / en_ dand_ leet acht_ lijsbetten smolders hof / / waert dat hi niet en goude dit voreghenoe_de ghelt ghelijc als daer ghesproke_ es so souden si slaen hore hant ane dit voregh_ lant die ghene die d_ sculdecht ane waren te slane vrome_ en_ ontvrome_ berghen en_ dalen onghekalengiert van ieme_ne totiesmaels dat si alle hore acht_stelle hadde_ behoudeleec tsh_en recht va_ + den gro_de . Om~dat dit waer es en_ voer ons ghesciede en_ bi beden van + de_ p_tien so so hebben wi scepene_ van p_ke dese lett_e bezeghelt met onse_ ghemeine_ Zeghele i_ kinlecheit d_ warijt Dit ghescide int jaer ons h_en doe me_ screef . M . ccc . en_ . xlvij . Sondaecht na Sinte jans dacht baptiste gheleghen in de Wedemaent . . .