Corpus Van Reenen-Mulder (CRM14): Oorkonde P027p34801

Wi scepene_ van + den dorpe van rotselaer doen cunt jeghewelke_ m_ kinnessen der waerheit dat come_ es voer onsen richt_e en_ voer ons heinric die me_ heet averecht als monbore marg_ete_ van vake_ siins wiifs en_ druech op den richt_e jn + de hant . een . dach_ . eusels jn drien stucke_ luttel mi_ ocht meer gheleghe_ jn + de prochie van rotselaer te b?eem ane den diic daer me_ gheet te brueke wert . Daer na q_m beatriis van vaken met ene_ monbore die hore mette_ rechte gheleu_t was en_ druech op den richt_e jn + de hant een half boenre eusels luttel mi_ ocht meer gheleghen neue_ dit voerseide ghuet . Daer nae v_teghen beide heinric en_ beatriis voerseit m_ hore_ monbore van + den voerseiden ghoede te ghoedshuys behoef van sinte bernaerds bi scelle . Daer na waert brueder jan de kamm_e kell_e van + den voerseiden ghoedshuise te dier tiit gheerft jn + dit voerseide ghuet te ghoedshuys behoef voerseit jn alle dien rechte dat beleghe_ es en_ te v_dienne als erue . Dits al ghedaen m_ orloue en_ m_ manessen sricht_s en_ m_ vonnesse der scepene_ voerseit en_ en~gheen poent van rechte acht_~ghelate_ datt_ sculdech toe was ghedaen te sine behoudeleec den h_e sine_ rechte en_ jeghewelcs rechte en_ te pleghene al dat sculdech es te pleghene . Jn orconscape van welke_ wi scepene_ van rotselaer deze lett_en hebbe_ bezeghelt m_ onsen eneghe_ en_ ghemeinen zeghele ons scependoems jn kinnessen der waerheit . Ghegheue_ jnt jaer ons h_en doen me_ screef . M . + ccc . + en_ . + xlviij . tes vriidaechs na sinte kateline_ dach .