Corpus Van Reenen-Mulder (CRM14): Oorkonde P044p37201

Wij godevaert hegghen / Aernout Jans / goeswijn van bakele / Roebrecht van + den onghelaeghe / henric van + de_ poele henric van loe / en_ ghijsbrecht op ghen heyde Scepene_ van zeelem / doen cont dat voer ons en_ voer Pet_en van + de_ poele Meyer van zeelem / ghestaen Peter van Miskem gheerts va_ Miskem sone was versochte en_ begherde ghuedinghe van ene_ halve_ buender beemts luttel min ocht luttel meer / dat hem sijn vader gheert va_ Miskem ghemaect hadde / alsoe alse sijn moeder aleyt van Miske_ des selfs gheerts wijf was / daer lide en_ c_senteerde / gheleghen op ghen lae_beemde tussche_ beemde Aerts va_ welcht_e en_ wouters va_ linchout jn welke_ halve_ buender beemts voergh_ dat hi Peter va_ Miskem gheerts sone voergh_ waert gheghoet en_ gheErft met manisse met von_isse en_ met hoefs rechte / dat selve half buender beemts voergh_ erflike te hebbene hij en_ den helder des briefs i_ allen de_ selve_ rechte / Dat gheert va_ Miske_ voergh_ hadde en_ houdende was / En_ Margriete Jans foyen docht_ was va_ zelke met hore_ mo_bore daer toe ghelevert als recht was verteegh op desen bee_t voergh_ en_ scout quijte alle dat recht dat sij dien beemt hadde ocht hebben mochte tot behoef Peters voergh_ Jn orco_de der waerheit hier af daer toe ghedaen waert al dat + mer sculdich toe was te doene metten rechte / heb wij onsen ghemeyne_ sighel aen desen brief ghehanghe_ Jnt iaer ons h_en M˚ . + ccc˚ . + tseventich en_ twee / acht ende twintich daghe in Mayo -