Corpus Van Reenen-Mulder (CRM14): Oorkonde P044p39001

Wij Mathiis van ve_nen . Machghiel jans . aernoud baens . herman van + den poele . jan baens . heinric metten . ende Mathiis sworters . Schepenen van zelem . tughen ende doen Cont / dat voer ons ende daneele van + den stade mey_e jn + den voerghenoemden lande / wynant ketelbuet_e en_ heylwiich van pelt ziin wettich wiif becreghe_ jn erfdo_me wetteleec metten rechte / tseghen ghiisbrechte op gheen heye een stucke boschs / eykens boschs / houdende vijf~t + alf zille / luttel min ocht luttel meer / gheleghen jn deyghen van zelem jn ghenen steenberch / beneven bosch sheren van dyeste Ende der fermeryen ter eenre zyden / ende tseylichs gheests boschs van zelem ter ander zyden . jn welken stuc boschs voergh_ . na opdraghen ende vertyen ghiisbrechs voergh_ . die voerghenoemde wynant waert gheghoet en_ gherft met manisse met vo_nisse en_ met hoefs rechte / dat voerghesede stuc boschs erfeliic te hebbe_ne hij en_ ziin nacomelinghe / jn allen den zelven rechte dat hiit ghiisbrecht voergh_ . hadde / en_ houdende was / Jn orconde der wareyt hier af / daer toe ghedaen waert / al dat + mer schuldich toe was te doene metten rechte / hebben wij schepenen voergh_ . onsen ghemeynen zyghel aen desen brief ghehanghen / jnt jaer ons h_en . M˚ . + ccc˚ . + ende neghentich . tsondaechs na zin jans dach . .