Corpus Van Reenen-Mulder (CRM14): Oorkonde P044p39201

Wij Mathys van ve_nen . Mychghiel jans . aernoud baens . herman van + de_ poele . jan baens . heinric metten . ende jan huush_e . Schepenen van zelem . Tughen ende doen Cont / dat vo_e ons en_ danele van + den stade mey_e jn + den voerghenoemden lande . broeder vrederic p_est__e . p_curator scloesters en_ sko_vens der sateroesen van zelem . becreech jn erfdo_me wettechlec metten rechte . tseghen wynande . wynans ketelbueters zone was van dyeste . en_ tseghen kerstiane naghels dies voerghenoems wynans die noch niet voldaecht en was . gheleverde mombo_e metten rechte . Ende oec met c_sente en_ met wille heylwighe_ van pelt moeder svoergheseets wynans / die daer tseghewordech was . en_ afghienc haerre tocht en_ allen dies rechs . dat zi + ter jn hadde / ocht hebbe_ mochte . tot / dies voersprokens Cloesters ende c_vens behoef . een stucke eykens boschs . daer die brief af mencie maect daer dese brief es doer ghesteke_ / van welghen stucke boschs voerghenoempt hi die voerghesproken kerstiaen . svoergheseets kins wynans mombo_e . jn name en_ jn stat dies selfs kins . verhalmde en_ v_teech / afghaende oec allen dies rechs dat hi wynant tvorghenoempt kint hadde . ocht houdende was . jn dat vorsproken stucke boschs . tot dies vorgheseets Cloesters en_ Co_vens behoef Ende hier / + na zoe waert kerstiaen van overleyen jn dit vorghenoempt stucke boschs gheghoet / en_ gheerft / tot dies voergheseets Cloest_s en_ Co_vens behoef . daer hi oec toe quam met allen hoefs rechte jn orconde der wareyt hier af / daer toe ghedaen waert dat + mer sculdich toe was te doene metten rechte / hebbe_ wij schepenen voerghenoempt onsen ghemeynen zyghel aen desen brief gheha_ghen . . Jnt jaer ons h_en . doen + men schreef . M˚ . + ccc˚ . + en_ xcii . xix daghe jn eve_maent . .