Corpus Van Reenen-Mulder (CRM14): Oorkonde P044p39801

Wij + , herman van + den poele heinric metten jan baens Arnout der kind_e Arnout van + der vaernt . Matheeus der kind_e ende heinric heilwighen Scepene_ van zeelhem Tughen en_ doen cont dat voer ons en_ voer heinric plumen Meyer van zeelhem Come_ es en_ ghestaen Esselken gheerts docht_ van tiele was Arnout ketelbuters wijf heet verteghen en_ quijtghescouden tot arnouts ketelbuters hoers mans voerscreve_ behoef allet recht dat si hadde en_ hebben mochte in die twe goede oude gulden hellinghe van florensen die gheert van tiele hoer vader hadde en_ houdende was i_ sinen leve_den live aen erve jan claes gheleghen te zeelhem op deect tuschen beemd der sartrosen op deen side en_ die ghemeyn strate op dander side ghelijc gheerts brief van tiele dien hi arnout daer af heet wale begriept / Jn welken twe guldene_ voers_ dat na opdraghen en_ vertien esselkens vors_ en_ na den ghetughenisse dat wij daer op hoerden van + der huweliker vorwerden hi arnout waert ghegoet en_ gheErft met manisse met vo_nisse en_ met hoefs rechte behoudeleec den h_e sinen rechte en_ ighelike_ sinen rechte in alden rechte dat sij gheleghen siin en_ heercome_ siin Hier toe ghedaen al dat + men metten rechte daer toe doen mochte jn ken_isse der waerheit soe hebben wij scepene_ voergh_ onsen ghemeynen sighel aen desen brief ghehanghen jnt jaer ons heren &mring; . + ccc˚ . + neghentich en_ achte xxvj daghe in decembri