Corpus Van Reenen-Mulder (CRM14): Oorkonde P048a39101

Cont sij allen luden die desen brieff soelen sien ofte hoeren lesen . dat voer my Arnde van zelke sone h_en Arnds van zelke ridders mijnre leen~manne / en_ mijnre genediger vrouwen leen~manne van Brabant onder gescreven / my in desen saken geleent als gewoenlic is / Soe is comen vrouwe lijsbeth wittege docht_ here_ jans van Gheylekerken ridders wilen was . mit enen leyen mombor te weten Goffijn van haestijrs hoer mitten rechte verleent en_ heeft ghelijt en_ ghecant / dat sij in gherechte_ steden erfcope heeft vercocht enen baroen moegenden here . h_en Gerarde h_e van heere ridder . alsoelke leen~goede . als daer hoer vader vyt gestorve_ was / die hoer verschene_ waren / en_ die sij van my Arnde vorg_ in leen ontfangen hadde . gelege_ o_me~trint halmale en_ daer al o_me / o_me eyn zeker somme gelts daer hoer genoech af gesciet was . en_ hoer wael content hielde / waer by die selve vrouwe also beraden was dat sij mit hoeren vorg_ mombor . die vors_ leen~goede . opdroech in hant mijns Arnds vorg_ tot name . Matheus Tyloy (onleesbaar) van heere in orber ende behoef des here_ van Heere vorg_ / Ende die vrouwe mit hoeren vors_ mombor daer af verteech verhelmede euwech w? (onleesbaar) die vors_ leen~goede quijtscaut altemael hoer niet rechts erfdoms noch vermeets van desen dage vort daer aen te behauden in eynig_wijs (onleesbaar) saken alsus geschiet . jc arnd van zelke als leen~here vors_ . die selve leen~goede weder gaf ghichte en_ verleende mit alle den rechte dat (onleesbaar) hant gedragen waren . den vorg_ Matheuse tot behoef des h_en van heere vorg_ . hulde en_ eyt van trouwen van hoe_ ontfaen mit (onleesbaar) Arnds vors_ / vo_nisse en_ ghevolghenisse mijnre en_ mijnre genedig_ vrouwen manne van leen onder gescreve_ / Ende in (onleesbaar) n se? (onleesbaar) nae rechte en_ gewoente shoefs vors_ / dat die manne vonnisten en_ wijsden dat den vors_ Matheuse tot behoef des h_en ? (onleesbaar) selven leen~goede were volcomelijc genoech gesciet . also verre als tot menisse mijns Arnds vors_ . wijsdom en_ vo_nisse der manne ond? (onleesbaar) steet gheen poente van rechte in desen saken vergeten noch acht_gelaten . beheltelijc alremallics rechte . . Jn Orconde en_ getughenisse der wa? alle der dinghen boven gescreven / Ende want jc Arnd van zelke h_e van + den leen vors_ / selve gheen seghel te deser tijt en hebbe . soe bidde jc mynen lieven here en_ vader . h_en Arnde van zelke vors_ . dat hi siin seghel voer my aen desen brieff wille hangen . Ende jc Arnd van zelke ridder o_me beden wille Arnds mijns soens vors_ . / soe hebbe jc mijn p_pre seghel aen desen brieff gehangen . . Vort bidde jc Arnd van zelke h_e van + den leen vors_ . / en_ versuke myne manne van leen . . janne lens . en_ tielman lens / Ende vort mijnre liever genediger vrouwen leen~manne van Brabant . die hijr toe gebeden en_ my geleent sijn . dat is te weten . . wouter van + den hove . Dyeric van Onderaen . Henric van ov_beke . en_ Henric van + der Elsmere dat sij hoere segele aen desen tghegenwordigen brieff willen hanghen / Dat wij jan lens en_ Tielman Lens manne Arnds va_ zelke vors_ . Ende wij wout_ van + den hove . . Dyeric van Onderaen . . Henric van Overbeke . en_ . . Henric van + der Elsmere manne van leen onser liever ghenediger vrouwen van Brabant o_me beden wille Arnds van zelke vors_ gerne hebben gedaen . . Ghegeven in + den ja_e ons heren dusent drie + hondert . + eyn en_ neghentich op sente Mycheels avent