Corpus Van Reenen-Mulder (CRM14): Oorkonde P048a39201

Wij pauwels luytgarden Goeswijn van ys_en Florijs cuckelbergs en_ Art van mewen / Late . jn den hof d_ kerken / of Capellen va_ zelke tugen en_ doen kont allen luden / dat vo_e ons en_ vo_e heinricke van elt_e Richt_ in de_ selve_ vors_ hof / selve ghestaen / willem dyllen van wersbeke kijnde en_ lijde home wettelijc hebbende v_cocht / Mechtelden . wijf wilen . willems van de_ wouwe_ van honsim Ene zille lants luttel min of meer liggende opt zelk_velt / alre~naest aen lant Costijns van + d_ Ranst ter eenre ziden / en_ heinrix van elt_e ter and_re ziden / die selve zille lants gelijc en_ alsoe v_re alse den vors_ v_coep__e willeme toebehoerde . van + d_ vors_ mechtelden in eerfdo_me te hebbe_ payslijch en_ te besittene En_ hier o_me droegh hi + se willem vors_ op en_ vo_nislijc v_tiende met halme resigneerde jn de hant ons vors_ Richt_s . jn name en_ tot orb_ Mechtelden vors_ En_ dat die selve mechtelt / met menisse ons vors_ Richters en_ ons_ late vors_ vo_nisse . in die vors_ zille lants . ghegoet wart / en_ gheEerft / En_ die vors_ wille_ ontgoet / vo_nislijch en_ ontEerft / Toeghedaen allen recht en_ sole_pniteyt dat daer toe behoerlijch was te gheschiene Egheen poent va_ rechte acht_ gelaten . Behautlech en ygeliken sine_ rechte_ / en_ alsoe v_re als dat vors_ goet van + de_ vors_ hove cijslech rurende es / Mar wa_t wij late vors_ een~gheenre zegele in alsustenige_ sake_ en ghebruke_ En_ wij om brieve daer af te ghevene v_socht sijn / v_soeken wij voert en_ bidden vriendelijc met eernste Eersame_ . bescheide_ luden / wout_en van + d_ eyken . Pet_en mansraets Jan va_ nederem Stas barbiers Arnoude van haesbroech en_ S_vase ha_nema_s scepen_ tshoefs va_ halen / dat sij allen dat voerscr_ es / gelik_wijs dat vo_e ons gheschiet es voert op hon dragen willen en_ veesten met aanhangene haers zegels En_ wij scepen_ va_ halen vloes vo_eghen____ / wa_t de vors_ late al dat voerscr_ es aen ons bracht hebben gelijc dat vo_e hon gheschiede / en_ in onser yegenwordicheit v_treckende ghetught hebben / daer o_me haren beden gheonstich wesende hebbe_ wij een met henricke va_ elt_e vors_ oec onsen met scepen / onsen ghemeynen segel dies vors_ hoefs desen l_ren doen aenhange_ jnt jaer ons h_en Dusent Drie + hondert Twee en_ negentich des . xviij . daeghs jn oextmaent