Corpus Van Reenen-Mulder (CRM14): Oorkonde P048a39701

Wy Henr_ van eltre Goeswijn van yseren faes ha_nemans henr_ lodewijcs van yseren / Pouwels luytghaert scepen_ in + den ho˚e h_en aerts van zelke / doen cont en_ kenlic allen luden met desen openen brieve dat voer ons en_ voer wouter van + der eyke Richter_ des voers_ hoefs Comen is jan van kelberghe kenne_de en_ liende hoem hebben erflic vercocht Magrieten haecs / een huys en_ hofstat met sijnre toe~behoerten / gheleghen te zelke / by erffenisse librecht vre˚e op deen side / en_ die strate die te zelke in gheet op dander side / schietende op die velpe / Mar want Magriete voers_ tot deser gichten nae costume shoefs voers_ Comen niet en mochte Soe heeft si de come_scap overghegheven aelbrecht boems / En_ hier o_me soe heeft jan voers_ dat voers_ huys met sijnre toe~behoerten op~ghedraghen / vo_neslic verteghen en_ met halmen resigneert in hande ons richters voers_ jn naeme en_ tot orbere aelbrechs voers_ En_ die selve aelbrecht waert met manisse ons richters en_ ons_ scepen vo_nesse voers_ op en_ aen dat voers_ h˚ys met sijnre toe~behoerten gheerft en_ ghegoet nae allen rechten heerbrenghen of vsagien des voers_ hoefs / hier voert toe ghesciede alle recht en sollempniteit datter toe behoerlic was te ghesciene Egeen ponte van rechte achter ghelaten / behoudelic enen ygheliken sijns goets rechts alsoe verre als + ment van + den voers_ hove tsijsselic houdende is / want wy scepen_ voers_ in alsusteneghen saken eghene_ zeghele en ghebruycken en_ wy brieve hier af te gheve versocht sijn Soe vers˚eken wy voert en_ bidden met ernste eersame wyse lude . jo_ van nederim / henr_ van eltre voers_ Stas barbier / henr_ van + der monic / aernout matheus / aert van haesbroec / aert van lintre scepen_ shoefs van halen dat si allet dat voers_ is / ghelijc alst voer ons ghesciet is voert op hoen draghen willen en_ vesten met aen~hanghen haers ghemeyns segels shoefs van halen En_ wy scepen shoefs van halen voers_ / want desen voers_ scepen_ shoefs h_en aerts van zelke allet dat voers_ is aen ons ghebrocht hebben / en_ in ons_ jeghenwordicheit vertrect en_ ghetughet / Soe hebben wy om beden gonsten wille en_ in orconscappe der waerheit / den ghemeynen seghele shoefs van halen hier aen ghanghen jnt jare der gheboerten ons h_en dusent drie + hondert / + tneghentich en_ se˚ene / twee daghe in januario . . .