Corpus Van Reenen-Mulder (CRM14): Oorkonde P048p38201

Wij wout_ van + der eyken Joes caneve heinric van elt_e wout_ coecbeck_s claes van ruselmolen Art van haesbroech en_ Jan van swyg_hoeven Scepen_ jn + den hof van halen tughen en_ doen cond allen luden / dat vo_e ons es comen Marie wettich docht_ Jan willems van bleckim kinne_de en_ liende hier en~gheen recht hebbe_de in een half boenre bimpts / te bleckym ligghende tusschen de velpe en_ oeden va_ swyg_hoeven hof en_ neven bimpt der tafelen Tseylegheests van thiene_ / dwelke haer voirs_ vad_ Jan / heeft v_cocht Reyn_en eebens van lijfkenrode den smeet / mids~dat hij es wel mechtich was / als wij va_ + d_ vors_ marien v_staen / te v_copene te sijnre scout behoef ende sijns wijfs wilneer / die sij te~gad_e in volle_ stoele maechde_ / nae~dat hij Jan met zinen vors_ wive in ha_en ziechbedde ligghe_de daer sij niet af op en stoent en_ sij met home te~gad_e ordineerde_ en_ vnd_linghe_ ov_droghe_ En_ woer men namaels vonde haere marien vors_ enich recht in dat vors_ goet hebbe_de dat heeft sij voer ons scepen_ vors_ quite gheschoude_ / en_ met ene_ ghecorene_ mo_boer en_ haer von_islijch ghelevert daer op claerlijch met halme v_teghen En_ daer~na vloes es vo_e ons scepen_ vors_ comen der vors_ reyner eebens kinne_de en_ liende ho_ wettelijch hebbe_de v_cocht / dat vors_ half boenre bimpts katheline_ nacke_ Jan_e k_emers wive va_ dyst daer jeghe_wordich en_ jeghen den vors_ reyn_en bec_ighende den~zelve_ bimpt jn eerfdom_e te hebbene payselech en_ te besittene op drie pin_inghe h_en tsijs den gronth_e jaerlijx te betalene / Met alsulk_ vorwarden / dat de vors_ katheline en_ haer nacomelinge oec solen hebbe_ haren dreefwech va_ vierti_nachten te vierti_nachten / met beesten jn en_ vyt te drivene och te leydene en_ ha_en meelch~wech te gane ten voirs_ goede alsoe decke als mens te doene heeft en_ met rip vrocht vyt te varene en_ int voirs_ goet ov_ een bimpdeken den vors_ reyneren eebens oec toe~hore_de ligghende voer den vors_ v_cochden bimpt ter naester straten en_ ter minster schaden En_ heeft daer om_e d_ vors_ reyn_e / den voirs_ v_cochden bimpt opghedraghen en_ von_islijch v_tiende met halme gheresigneert jn de hant ons Richt_s des vors_ hoefs te orb_ katheline_ voerghen_ En_ die~zelve katheline ees_ in ghegoet en_ v_eerft met Menisse ons vors_ richt_s en_ ons_ Scepen_ von_isse daer op ghegheve_ na den rechte och heerbringhene en_ vsagien des vors_ hoefs / en~gheen poent va_ rechte acht_~ghelaten / behautelech en ygheliken zinen rechte en_ alsoe v_re als de vors_ goede va_ den hoeve va_ halen voirs_ rure_de sijn Jn orc_scape van welke_ saken en_ dinghe_ voirs_ wij scepen_ vo_eghen____ hebbe_ onsen ghemeynen zeghel des vors_ hoefs va_ halen desen l_ren aenghehanghen jnt jaer van + d_ gheboerten ons heren Dusent Drie + hond_t Tachtentach en_ twee jn Julio des . + xii + . daeghs