Corpus Van Reenen-Mulder (CRM14): Oorkonde P048p38401

Wij wout_ van d_ eyken Joes coneve . henric van elt_e ywein barbiers peter mansraets claes va_ ruselmole_ en_ Jan va_ Swyg_hoeven scepen_ jn + den haf van halen tughen en_ doen cant allen lude_ / dat vo_e ons zelve comen es Art gheseght van braba_t wone_de te halen kinne_de en_ liende hom wettelijch hebbende vercacht wouteren wanmek_en van dyst / daer teghenwordich en_ ieghen den~zelve_ vors_ art bec_ighe_de jn eerfdom_e te hebbene payselijc en_ te besittene Een sille bimpts luttel min ofte meer ghelijch dat + se gheerde wilneer den bleuw_e toe te horen plach . ligghende in + de zelkerbimpde op de demere met bi_pde des zelfs vors_ waut_s wa_mekers onghesund_t als wij scepen_ vors_ hebbe_ v_staen vloes tussche_ bimpde henrix van corpt die + men seght tsertoghen~bimpt / en_ bimpt henrichs va_ eelt_e vors_ in beide_ ziden En_ hier om_e heeft de vors_ art den voirs_ bimpt of dat vors_ goet op~ghedraghe_ en_ von_islijch v_tiende met halme gheresigneert jn de hant ons Richt_s in de_ vors_ hof te orb_ wout_s des coep_s vo_eghen____ En_ die~zelve wout_ es_ in / met Menisse ons vors_ richt_s en_ onser scepen vors_ von_isse daer op ghegheve_ . . wettelijch ghegoet en_ v_eerft / Daer oec alle_ dat toe gheschiede dat daer toe behoerlijch was te gheschiene nae den Rechte of vsagyen des vors_ hoefs en~gheen poent van rechte daer in acht_~ghelaten . behautelech en ygheliken zinen rechte . en_ alsoe verre als dat vors_ goet va_ + den vors_ hoeve van halen cijslech rurende es . En_ daer op hebben oec claerlijch met halme v_teghen allen haers rechts dat hon enegher wijs int zelve vors_ goet behoerende mochte sijn . en_ hebbent alte~male quite ghescouden . willem pater~noster / willem coex van corters en_ gheert der gro~ene van syntruden En_ des hebbe_ wij scepen_ vors_ jn orc_scap der waerheyt onsen ghemeynen zeghel des vors_ hoefs desen l_ren aenghehanghen jnt jaer ons heren Dusent drie + hond_t Vier en tachtentich jn Junio des achtiende daeghs