Corpus Van Reenen-Mulder (CRM14): Oorkonde P048p39001

Allen luden die desen brief soelen sien of hore_ lesen Wij pet_ mansraets va_ mirabel Joh_es va_ ys_en Art va_ haesbroech en_ Jacob va_ haesbr_ Scepen_ te Halen Saluyt en_ kinnisse d_ waerheit / want als wij hebben v_staen Een Religiose / eersame vrouwe / de . . Abdisse en_ haer Co_int des Cloest_s van synte Marie_dale bij Rottim / wetlijch jege_ Gheerde va_ + den schelne bec_eghen hebben jn + den eersten drie sillen en_ xix rode_ bosch ligghende in dymme_hage alre~naest den bosche des vors_ Cloesters ter eenre zide_ en_ neve bosch amelijs van lasscheyt van syntrude_ en_ arts va_ haesbr_ vors_ t_ and_re zide_ / de welke als me_ seeght va_ + den hoeve va_ doch cijslech ruerende sijn En_ voert drie sillen en_ zeven roeden boschs ghelegen te bleecsbeke aen de heyde op + de ghoete / alre~naest bossche den vors_ Cloest_e toebeho_ende / die + men als men seeght va_ + den hoeve van vliderbeke ghelege_ te Cortenaken cijslech houdende es / Soe eest dat hij Gheert vors_ vo_e ons scepen_ voers_ selve ghestaen / gheloefde Mijnre vors_ vrouwe_ d_ . . Abdissen / hare / of man va_ ha_en weghe_ dien sij kiest / en_ de hoeve vors_ ghedoegen willen daer toe te comene / in + de vors_ bossche / of in + de vors_ goede / goede vast goedinghe te doene / alsoe dat hij Gheert vors_ / jn + den vors_ hof van donch eerstwerf come_ zal met ghetughscape en_ toene_ de macht va_ + den testame_te / wileneer joff_ Elysbete_ sijns wijfs in zalig_ h_~dinkenisse / daer met dat hij de vors_ goede mechtich sij te v_copene / Soe dat daer op / en_ daer na voert nae vsagie dies zelfs hoefs / ghichte en_ veestinge van goedinghen gheschie Mijnre vors_ vrouwe_ / of man va_ ha_en wegen ghelijch voers_ es / als va_ + de_ vors_ iij sille_ en_ xix roede_ in dymme_hage ligg_ En_ alsoe dat daer nae / hij gheert vors_ / soe hij eerste can / sond_ langh v_trech jn + den vors_ hof va_ vliderbeke zal gnoech doen / na recht of vsagie dies zelfs hoefs / en_ vvllinge va_ goedi_gen / . Mijnre vors_ vrouwe_ of man va_ ha_en wege_ na dat vors_ es / als va_ + de_ vors_ drie sillen en_ . vij . roeden boschs te bleecsbeke ligg_ / Met al sulk_ voegen toeghedaen / dat hij gheert vors_ Sijn twee kynd_e / geerke_ en_ h_enekem_e / noch ond_ haer dage wesende / alsij tot hare_ dage_ come_ sole_ sijn / en_ mu_dich wesende / dene vore en_ dand_ na . t_ begheerde_ en_ v_soeke d_ vors_ . . Abdisse_ / om meerd_ vasticheyt va_ + d_ vorscreven goede te hebbe_ zal in~b_in_en ten vors_ hoeve_ / of ten eene_ / dat Mijn vrouwe vors_ zal begh_en en_ die selve ky_d__e daer doen v_tien / en_ afgaen allens rechts / dat ho_ of enige_ va_ hon eneg_wijs mochte behore_ / welke kynd_e alsus in te bringhene om te v_tien en_ te done als vors_ es / een met den vors_ gheerde ha_en vad_ oec hebbe_ gheloeft in goed_ trouwe_ ghesame_d__hant en_ elc voer al Jan va_ + de_ schelne Gheert va_ + den vene Johan_es va_ ned_him en_ Joh_ va_ + de_ vynne / Ofte neen Soe woer + se / de selve vors_ kynd_e / ten vors_ tide en_ menisse / niet en conde_ inghebrin_en om te v_tien en_ te doene gelijch voers_ es soe hebbe_ + se gheloeft in goed_ trouwe_ als vo_e onghesund_t en_ elc voer al / de selve voerghen_ p_sone Gheert va_ + de_ schelne Jan sijn brud_ gheert va_ + de_ vene Joh_ en_ Joh_ ghebruders Mijnre vors_ vrouwe_ d_ Abdissen te reykene en_ te betalene als schout von_islijch toeghewijst / Hond_t coma_s mott_ sond_ arghlijst / Mar dan / als die selve . C . mott_ / alsoe va_ hon betaelt w_en hebbe_ sij ond_sproken / dat + se den vors_ bosch / daer voere woude_ ov_hebben Jn orco_scap va_ welke_ dinghen wij Scepen_ vo_egh______ hebbe_ onse segele hier aen doen hanghen jnt jaer ons heren Dusent drie + hond_t en_ Neghentoch / op + den derden dach van septemb_