Corpus Van Reenen-Mulder (CRM14): Oorkonde P048p39002

Cont sij allen luden die desen brief soelen sien of horen lesen dat Durant van Cortassoen lombart regeerre van + de_ lomb_de huyse van halen / voere ons wout_en van + d_ eyken en_ Johan_ise van ys_en scepen_ te halen / selve ghestaen kijnde en_ lijde / home hebbende ghehave_ van sijnre Meest_ wegen des vors_ huys / van Eenre Religioser vrouwen d_ . . abdissen va_ rottim jn orb_ der schout Gheerts van + den schelne / achte en_ tseventoch mottone braba_s gheelts / als een coma_ den and_en mede mochte gnoech doen / alsoe dat hij dura_t vors_ daer af home co_tent houdende / quiteerde claerlike en_ schaut q_te / te orber d_ vors_ abdissen en_ allen d_ gheenre dies behoeven van sijnre vors_ Meest_s weghe_ / drie sillen en_ / neghentiene roede_ boschs ligghe_de jn dymme_hage / neve_ bosch d_ vors_ abdissen en_ haers Covints ter eenre zide_ en_ aen bosch amelijs van lasscheyt van syntrude_ en_ arnouds van haesbroech ter and_re ziden En_ oec drie sillen en_ zeven roede_ boschs ligg_ te bleecsbeke aen de heyde op + de ghoete / oec alre~naest / den goede_ d_ vors_ abdisse_ en_ haers covi_ts ter eenre ziden / de welke bossche Mijn vors_ vrouwe Dabdisse jeghen den vors_ gheerde van den schelne / als + men seeght bec_ghen heeft / van allen actien rechte ende eyschinghen die home / durande vors_ / of sinen vors_ meest_en / dies vors_ huys / tot op + den dach van heeden / ten vors_ bossche of goede weert / ov_mids d_ schout wille gheers vors_ / of in and_en saken enegher wijs beho_en mochten en_ eyschende mochten sijn / allen exepcien en_ arghlijsten hier in vytgheseeght / Jn orc_scap deser l_ren daer wij wout_e en_ Johan_es scepen_ vors_ / onse seghele hebben doen aenhanghen / ter beden des vors_ durants / jnt jaer ons h_en Dusent Drie + hond_t en_ neghentzich @ jn October des vierde daeghs