Corpus Van Reenen-Mulder (CRM14): Oorkonde P048p39902

Wij Johannes van nederim en_ Stas Barbiers Scepen_ tot halen tughen en_ doen cond alle_ liede_ die dese l_ren sullen sien en_ horen lesen / dat voir ons come_ siin / Aert hesseleer / en_ Gherijt va_ zelke ghebruders natuerleec kinder h_ Aerts van zelke des ouders ridders kinnen en_ lien dat si hebbe_ gheloeft bi hare trouwen / en_ in stat van eeden / den prioer der Sartrosen van zeelem bi diest / hem / en_ sine_ co_vent vrj en_ co_m__loes te houden / van alle_ zaken / com_er / last / en_ toesegghen / die welke laurette haer zust_ / natuerleec docht_ h_ Aerts voirs_ hebbe_ mochte opte_ groete_ bleesbeker beemdt gheleghe_ tot zelke op die velpe tusschen erve Costins van Ranst an + deen side en_ die ghemein beemde va_ zelke an + dand_ side Jn orco_scap der waerheit hebben wij Scepen_ voirs_ onse scepen_ zeghele desen l_ren anhanghe_ jn + den jaer der gheboirte_ ons h_en dusent drie + hond_t en_ tneghentich derthien dag_ in octobrj .