Corpus Van Reenen-Mulder (CRM14): Oorkonde P049a39401

Wij Peter Jans Henric van laere Jan culsere en_ Jan van laere Late in den hof tsAbds en_ Covents va_ vliderbeke / : ghelegen te etserijc tugen / en_ doen cont allen luden / dat vore ons / en_ vo_e / onsen Richtere in + den voirs_ hof / daer toe gheseetht selve ghestaen Henric oeden van etserijc kijnde / ende lijde / home wettelijc hebbende vercocht / her willeme Anxt daer yeghenwordich Enen guldene_ Jaerlijcs tsijns en_ eerffelijcs / of dwergelt daer af even goet in and_en loffelik_ mu_ten / Drie goede oude schilde vore viere diere gulden_ te reken_ene / Allen Jare / om_ermeer en_ ewelijch te Keersmisse te betalene Te heffene Jaerlix te hebbene / ende te vervolghene / op en_ Aen huys ende hof / dies voirs_ vercoepers heinrics gheleghen te etserijc vloes tusschen de goede Pet_ Jans voirs_ / henrics beetsen / en_ henrics va_ lare tsIonxstes / Welke coma_scap voirs_ / dat de voirs_ h_ willem want hijter niet toe comen en mochte / nae rechte / of heerbringen dies vors_ hoefs / noch goedinghe daer af ghe_ghen / daer om_e met halme claerlijc overgaf Henricke dochtinge va_ halen : daer yeghenwordich / . en_ de vors_ coma_scap / met orconscape vo_e ons late en_ Onse_ Richt_e voirs_ over~nam / Alsoe dat daer + tinde_ / de voirs_ vercoep_e henric / dat voirs_ huys en_ hof of dat voirs_ goet / op allen condicien en_ voegen voirs_ opdroegh / en_ von_islijc vertiende met halme resigneerde / onsen voirs_ / Richt_e in sijn hant Jn name ende tot orber heinrics dochtinchs voirs_ . Ende dat daer + tinden / de voirs_ henrich dochtinch met menisse ons voirs_ Richters / en_ ons_ late voirs_ von_isse / in dat voirs_ huys en_ hof / of in dat voirs_ goet wettelike ghegoet wart / en_ gheEerft / Als in enen onderpant dies voirs_ guldens Jaerlijcs tsijns en_ eerffelijx / allen Jare / ten vors_ tarmine home henr_ dochtinge vors_ en_ sine_ g_ven / ofte nacomelingen / va_ + den vors_ henricke oeden / en_ van sinen g_ven / ofte nacomeli_gen die dat vors_ goet solen besitten / te betalene / Daer voert toe gheschiet es / en_ ghedaen / Allen recht / en_ solle_pniteyt / dat daer toe behoerlijc was te gheschiene Egheen poent van rechte daer in acht_ ghelaten Behautelech en ygheliken sinen rechte / En_ alsoe v_re als dat voirs_ goet / va_ + den voirs_ hove cijslech rurende es Ende op / alsulke voeghe toeghedaen / Soe woer home henricke dochtinge voirs_ / of sine_ gheerven / ofte nacomelinge_ allen Jare_ / ten voirs_ tarmine de voirs_ gulden niet betaelt en worde / alinch en_ alte~male / Soe dat hon / dies enichs Jaers / ten vors_ t_mine ghebreke in ene_ deele / of altemale dat niet sijn en moete / dat dan hij henric voirs_ / of sijn gherven / ofte nacomelinge / solen moghe_ come_ vo_e den vors_ hof clagen over de_ voirs_ ond_pant / en_ nae der clagen v_volgen / nae rechte / of vsagie dies voirs_ hoefs En_ nae den v_volge den voirs_ ond_pant / solen moghen / aengripen / hauden payslijc en_ besitten / als haer p_per goet sonder ymans begrep / ofte calangie / Mar wij late vo_eghen____ / want wij / om brieve hier~af te ghevene versocht sijn / en_ wij egheenre segele en ghebruken in alsustenigen saken / Soe versoeken wij voert / en_ bidden vriendelijc met eernste Eersame_ bescheidene_ luden Henricke van eltere / Stasse barbiers / Jan_e van yseren Arnoude van osse / henricke van + d_ monicke Matheuse va_ ruselmolen / en_ wout_en van etserijc Scepen_ tshoefs van halen / dat sij allen dat voirs_ es / gheliker wijs dat vo_e ons gheschiet es / voert op hen willen drage_ / en_ veesten met aenhangene haers zeghels En_ wij Scepen_ van halen vo_eghen____ / want de voirs_ late / al dat voirscr_ es / ghelijc dat vo_e hon gheschiede / aen ons bracht hebben / en_ in ons_ yegenwordicheit v_treckende ghetugt hebben / Daer om_e haren beden gheonstich wesende / hebben wij in orconscape al dies voirscr_ es onsen ghemeynen seghel dies vors_ hoefs van halen / desen letteren aenghehangen Jnt Jaer ons heren Dusent Drie + hondert Negentich ende viere Jn Meye des Seventhiende daeghs