Corpus Van Reenen-Mulder (CRM14): Oorkonde P049p38701

Wij wout_e van + d_ eyken pet_ mollen_e Jan zanden Jan van + der huulst Ger_ beecmans Andries moens en_ henric van + d_ eyken van corpt Scepen_ ons h_en des (onleesbaar) Abds en_ Covints des Moenst_s van Synt_den Jn + den hof van donch tugen en_ doen kont allen luden dat vore ons Comen sijn yde met~den~wan_e van dyst en_ wout_ d_~Raye haer wettich man en_ hebben vytghegheve_ Jan_e gheseght va_ + den nouwenhuys daer yeghenwordich en_ neme_de tene_ Eerfpachte Een stucke wynnens~lants ligghende op en gheens zide de laprie van dyst aen de heerst_te tusschen de goede Gielijs van rode en_ waut_s quad_mans vloes in beyde_ ziden op vijf pynni_ge h_en tsijs en_ twee lev_~vate evene_ den gronth_e iaerlijx daer af te betalene En_ oec op en_ om_e Tweelf halst_ goets rogs en_ payabels als iaerlijx opt vors_ lant wassen mach dyest_ maten / allen iare o_m__meer en_ ewelijc op Synte Andries dach tsapostels der vors_ yden en_ Wout_en of hare_ gheerve_ ofte nacomelingen bin_en dyste op hare_ eerven / of ter stede die sij daer bewisen solen / los . op wagen p_de en_ ghetouwe cost en_ last des vors_ Jans va_ + de_ nouwe_huys of sijnre nacomelinge de vors_ goede besittende / te lev_ne en_ te betalene Met alsulk_ vorw_den toeghedaen / vielt dat de vors_ goede van ymande aengesproken worde_ en_ daer meer lasts ane vonden worde / dan vo_e ghescr_ es / dat de vors_ yde en_ wout_e dien af~doen solen en_ hebbe_ ten gheloeft af te done en_ den vors_ Jan daer af co_m__loes te ontheffene sond_ arghlijst En_ op allen des_ voegen en_ vorwarde_ vors_ Soe hebben de vors_ yde en_ wout_e wijf en_ man te~gad_e / dat vors_ lant opghedragen en_ von_islijc v_tiende met halme gheresigneert Jn de hant willems van + d_ Smyssen ons Richt_s in + den vors_ hof Jn name en_ tot orb_ Jans va_ + den nouwe_huys vors_ En_ die~selve Jan wart / in dat~zelve vors_ lant met meenisse ons vors_ Richt_s en_ ons_ scepen_ vors_ von_isse wettelike ghegoet en_ gheEerft / als in ene_ ond_pant d_ vors_ . + xij + . halst_ rogs eerfpachts Jaerlijx daer af ten vors_ tarmine en_ in der vors_ manieren te betalene En_ es daer toe gheschiet allen recht en_ sole_pniteyt / dat daer toe beho_lijc was te gheschiene E_gheen poent van rechte daer in acht_~ghelaten Behautelech en ygeliken sine_ rechte en_ alsoe v_re dat / dat (onleesbaar) . vors_ lant / altoes sal bliven ond_pant des vors_ eerfpachts Soe vielt dat niet sijn en moete dat die~seelve pacht . d_ vors_ yden en_ wout_en of hare_ gheerve_ ofte nacomelingen niet betaelt en worde allen iare ten vors_ tarmine en_ in + der vors_ voeghen / soe~dat hon / enichs jaers / haers vors_ pachts ghebreke in ene_ deele of te~male / dat sij dan solen mogen comen vore den vors_ hof clagen ov_ den vors_ ond_pant / en_ v_volgen / nae den rechte . heerbri_ghene en_ vsagyen dies~zelfs hoefs / en_ nae den v_volge weder den~selve_ vors_ ond_pant aeng_pen hauden payselijc en_ besitte_ als haer p_per goet sond_ ymans bagrep ofte calangie Jn orc_scap hier af / hebben wij scepen_ voirscr_ desen l_ren te orb_ d_ eenre p_tien vorscr_ / en_ des_ gelike te orb_ d_ and_re p_tien vors_ onsen ghemeynen segel des vors_ hoefs van donch aengheha_ge_ Collatie van + de_ l_ren teerst ghedaen Dits gheschiet Jnt Iaer van + d_ gheboerten ons h_en dusent drie + hondert tachtentich en_ Sevene op + den leesten dach van Januarie die + m_ seght loymaent