Corpus Van Reenen-Mulder (CRM14): Oorkonde P049p39001

Wij wout_ van + d_ eyken . Jan zanden Jan van + d_ huulst Gheert beechmans / Andries moens / Henric van + d_ eyken van corpt en_ Jan ansems Scepen_ ons h_en des . . abds en_ Covints des Moensters van Syntruden jn + den hof van donch tugen en_ doen cont allen luden / dat vore ons en_ vo_e willeme van + d_ smyssen ons Richt_ jn + de_ vors_ hof / Come_ es selve met den lyve / Gheert va_ + den schelne / de welke / voer ons leydde en_ bracht voert / twee ghetughen / te weten_ hanthonise beck_en prister en_ h_en gheerde van velpen Ridder / om met hon te toenene / alsulken testament / als hier nae volghende besc_ven es / alsoe dat die selve vors_ ghetugen gheEytht ten heyligen en_ op haere_ eeyt ghemaent van onse_ vors_ Richt_e / droegen claerden en_ tughden eendrechtelijch op ha_en vors_ eeyt / dene vore en_ dand_ nae zunderlingen / dat sij daer bij ware_ en_ daer over / met noch meer and_en luden ghetugen daer toe gheropen en_ ghebeden / daer joffrouwe Elysb_ wileneer oliviers va_ obbleckym / des vors_ gheerts va_ + den schelne wettich wijf in zalig_ h_dinkenisse haer testame_t maechde met den vors_ gheerde ha_en man / met eendrechtigen c_sente daer sij in ha_en ziechbedde lach / daer + se niet af op en stoent / En_ dat sij ghetugen vors_ / daer saghen en_ hoerden / dat sij joff_ Lysb_ met goeden v_stane en_ mechtich haere zinne / al was sij ziech van lyve / maechde claerlijch onder dandere in vorme_ van testame_te ordineerde begheerde en_ c_senteerde / dat hij gheert vors_ haer man / soude mogen v_copen / nae haer doet en_ hene_vaert / te holpen haere beyd_ schout in vollen stoele ghemaecht en_ staende te_ lomb_den af te legghene of eld_e / daer + se staende w_e alsoe voele van ha_en goeden soe woer + se ligghende were_ / vytghenomen den goede_ van langdorp / tot dies maels en_ alsoe v_re dat haer vors_ schout claerlijch en_ altemale v_gouden were daer af Nae welke_ ghetughscape alsus nae vsagie ons vors_ hoefs ov_hoert / de vors_ Gheert va_ + den schelne / kijnde en_ lijde / dat hij ov_mids d_ vors_ schout wille v_cocht hedde wettelike jn eerfdom_e Eenre Religios_ en_ eersam_ vrouwe_ / Vrouwe_ Lysbete_ willemarts / abdisse_ des Cloest_s van Rottim daer yeghenwordich en_ kynne_de haer jege_ den vors_ gheert te orb_ haers / en_ haers Covints hebbende wel en_ wetlijch bec_gen / Drie sillen en_ neghe_tiene roede_ boschs ligghende in dymme_hage alre~naest aen bosch des vors_ Cloest_s t_ eenre ziden en_ neven bosch Amelijs van lassheit en_ arnouds va_ haesbroech vloes ter and_re ziden / ghelijch en_ alsoe v_re als die selve bosch home gheerde vors_ daer toe behoerde / Daer + tinden nae menisse ons vors_ Richt_s en_ ons_ Scepen_ vors_ von_isse droegh op de vors_ gheert en_ von_islijch v_tiende met halme resigneerde / den vors_ bosch / oft dat vors_ goet jn de hant ons vors_ Richt_s jn name en_ tot orb_ wout_s rumelants van dyste / dien Mijn vors_ vrouwe . . dAbdisse haer vors_ coma_scap met orconscap ov_ghegeve_ hadde / want sijt nae vsagie des vors_ hoefs niet toe comen en mochte / noch goedinghe daer af ghec_ighen en conde / Alsoe dat ov_mids dien hij wout_ rumelants vors_ met menisse ons Richt_s vors_ / en_ ons_ scepen_ von_isse vors_ / in den vors_ bosch of in dat vors_ goet wettelike ghegoet wart en_ gheEerft Toeghedaen allen recht en_ sole_pniteyt dat daer toe behoerlijch was te gheschiene Egheen poent van rechte daer in acht_~ghelaten Behautelech en ygheliken sinen rechte / en_ alsoe verre als dat vors_ goet va_ + den vors_ hoeve cijslech ruerende es Jn orconscap van welken dinghe_ wij Scepen_ vo_eghen____ / hebben onsen ghemeyne_ zegel des vors_ hoefs desen l_ren doen aenhange_ t_ bede_ va_ + de_ vors_ p_tien jnt jaer ons h_en Dusent Drie + hond_t / + en_ neghentoch / jn october des vierde daeghs