Corpus Van Reenen-Mulder (CRM14): Oorkonde P050p37901

. Wir Scouthet . Scepene_ . Meistere . Gheswoerne Raet en_ Ghemeynte der vriheit van Wuystherke alle sametliken vergadert mit der Stormclocken mit g˚eden gansen vorsatden ripe_ raede Doen cont allen luden die desen oepene_ brief s˚elen sien of hoeren lesen Dat onse lieve gheminde h_en mede~poert_e en_ burgh_e Deken en_ Capittel Onser vrouwen kirke van tricht ons Omme onser stat wille te vesten en_ te stirken eyne sunderlinghe gratie Minne~gonst en_ vruynscap g˚etlike bewijst hebben en_ ghedaen Als mit drye Sillen mueren die si ons om_e onse stat voirscr_ hebben doen maken . End om~dat die vorscr_ Minlike gratie en_ vruynscap onsen lieve_ h_en voirscr_ hoere_ naecomelinge_ en_ onser vrouwen kirke voirscr_ van ons of van onsen nacomelinge_ of ymant van onsen weghen tot eyngherande scaede hendernisse Swernisse ghewoende of quade exempel ghekeert of ghetrect worde Daer om_e ghelove_ wijr Scouthet Scepene Meistere ghesworen Raet en_ ghemeynte alle sementlike der vriheit van wuystherke vorscr_ voir ons onse naecomelinghe en_ stat voirscr_ . Jn g˚eden tr˚wen en_ in Eyd~stat dat wir den Deken en_ Capittel onser vrouwen kirke voirscr_ en_ hoere_ nacoemelinghen num_ermee engheenrehande onghelt Jmpositie gonste Of volluyst tot onser stat voirscr_ vestinghen of tot eynghen andere_ saken zuelen heisschen noch in gheenre wijs daer toe te dringhen Alle~weghen wt~ghesceiden onser kirken recht jn alle vrre puynte_ voeghen en_ manieren gans vast en_ stedich te blive_ . En_ ghelove_ voirt den h_en voirscr_ h˚eren tiende~hof en_ h˚ere g˚et jn onsen eyghen ghelege_ dat si hebben ghelijc ons selfs g˚ede en_ jn~gheseten portere mit live en_ mit g˚ede te bescerme_ en_ te bescudden Nae alle onser macht Alle arghelist en_ quode nuwe v˚nde jn dissen voirscr_ saken wt~ghesceiden Jn kennisse der waerheit Soe heb wir in vestinghen en_ steitgheit alre puynte_ vorscr_ Scepene Meistre ghesworen En_ ghemeynte voirscr_ Onsen ziegele aen desen brief doen hanghen Gegheve_ jn + den jaere ons h_en als men screef Dusent Drie + hondert tseventich en_ noeghen dis twelfste daegs van + der Maent Junij