Corpus Van Reenen-Mulder (CRM14): Oorkonde P050p39401

Wij Gheraert van halbeke scouthet der~selve geraert willem brisier vrancke hertoghe arnout brisier willem van hovert mychiel colen en_ henric bloc scepene_ va_ bin_e_ vriheit der stat va_ wuystherke groete met ken_isse der waerheit dijr dinghe_ hijr ondergescreve_ Doen kont en_ te wetene alle_ luede_ die dese_ tiege_wordighe_ brief solen sien en_ hoere_ lesen Ghi alle_ sult weten dat voir ons en_ in ons_ tiege_wordicheit siin come_ in haere_ p_pere_ p_soene_ Eersame besceidene luede beatere aertsoens met haeren geleverde mo_bure arnout tellen haere daer toe metten recht v_leent En_ heet gekint en_ gelijt ope_baerlijc dat si vettelijc vercocht heeft philipse va_ scoela twee guldene erfceys guet van goude en_ va_ ghewichte drie aude gulden schilde guet en_ loflijc voir vire alsoleker guldene gerekent Jaerlijx te betalen_e te kersmesse te hebbene oec en_ te vervolgene aen onder + halve zille eusels luttel min of meer gelege_ bove_ vriheit opten puelputte tusche_ erflecheit vrancken hertoge_ op de twee siden en_ erflecheit yden _l˚x op die deerde side Ja om ene zekere sum_e va_ gelde daer die voirs_ beat_e af kint en_ lijt openbaerlijc dat haere daer af volcomelijc ghenoech ghesciet is en_ waele betaelt is woer om_e die voirs_ beatere heet op~gedraege_ die voirs_ erfguede in des richters hant dis grons en_ von_islike daer op vertege_ te dis voirs_ philips behoef als tene_ onderpande voir die twee guldene voirs_ erfceys wettelike te betale_ne Jn welike twee guldene erfceys te weten onder + halve zille eusels voirs_ luttel min oft meer die voirs_ philips geguet is wettelijc en_ vererft met von_islike_ rechte als in ene_ onderpant voir die twee guldene voirs_ erfceys hom en_ siin nacomelingen te betalen_e beheltelijc en ygelijc sijns rechs also verre als die voirs_ erfguede va_ + de_ voirs_ hoeve gehouden werden Jn getuichgen_isse der waerheit des_ voirs_ dingen om beede_ wille en_ versueck derre voirs_ p_tien . So hebben wij onse_ gemeyne_ zegel ons scepen~stoels aen desen brief doen hanghen Ghegeve_ jnt jaer ons here_ geboerten dusent drie + hondert vier en_ negentich des xxviij daeghs van meye