Corpus Van Reenen-Mulder (CRM14): Oorkonde P050p39501

Wij mathijs brisiers richter . der selve mathijs Gheraert van halbeke . willem claes . wille_ brisier claes conis vrancke hertoghe en_ wille_ va_ hie_vert scepenen va_ sinte amoers hoeve . der stat en_ vriheit va_ w˚stherke . doen kont en_ te wetene allen lude_ die dese tiege_wordige littere_ soelen sien oft hoere_ lesen g_o_te met ke_nisse der waerheit dijr dijnghe_ hijr onder + gescreve_ . Ghi alle_ sult wete_ . dat voir ons en_ in ons_ tiege_wordicheit siin come_ in ho_en propere_ p_soene_ . Een eerwerdich ende besceiden man . her adaem va_ kerkim . ridder . op deen side . En_ jan koele_ wilneer aert koele_ soene va_ + de wiere op dander side . En_ die voirs_ her adaem heet gekant en_ gelijt . Openbaerlijc . dat hi wettelijc vit~gegeve_ heet tene_ erfceyse . den voirs_ jan koelen een stucke erfs geheite_ skoele~heide met haerre toe~behoerte_ . also alse gelege_ is bi_nen den gerichte va_ wuystherke voirs_ . Renende tuschen drie gemeynstraten . al o_me . Te wetene o_me vj . aude schilde goet va_ goude en_ va_ gewichte / alsolek_ / als drie aude schilde voir vier guldene gerekent . jaerliix te betale_ne half te kersmesse en_ half te sint jans messe naest volgende . va_ welige_ vj . aude_ schilde_ als voirs_ siin . die voirs_ her adaem vitgev_e heet gekant en_ gelijt dat hoeme volcomelijc genoich gesciet is en_ af~geleet siin . twee aude schilde erflec va_ den voirs_ janne als tene_ onderpande . blivens te betale_ne jaerliix te dene_ voirs_ t_mine_ . den voirs_ her adaeme . sine_ nacomelinge_ / oft bringher deser litteren . van den voirs_ janne oft van sine_ nacomelinge_ vier aude schilde als voirs_ siin . / waer o_me die voirs_ her adaem vitgev_e / heet op~gedraege_ / dese voirs_ erfguede in des richters hant en_ vo_nislike daer op vertege_ te dis voirs_ jans behoef als tene_ onderpande voir dese vire aude schilde hom . sine_ nacomelinge_ oft bringher des_ littere_ wettelike te betale_ne . jn welige voirs_ erfguede die voirs_ jan in geguet is . wettelijc en_ v_erft met vo_nislike_ rechte . voir die voirs_ viire aude schilde den voirs_ her adaeme . sine_ nacomelinge_ oft bringher des_ littere_ wettelijc te betale_ne . beheltelec en ygelijc sijns rechs also v_re / als die voirs_ erfguede van + de_ voirs_ hoeve gehouden w_den . jn welige dingen getuichge_nisse . want wij . richt_ en_ scepene_ voirs_ egene_ gemeyne_ zegel en hebben . . So bidde_ wij eersame en_ besceidene luede den scepene_ der stat en_ vriheit va_ wuystherke dat si wille_ haere_ gemeyne_ zegel aen dese tiege_wordige litteren willen hangen in getuichge_nisse allen deser voirs_ dingen En_ wij scepene_ van + der vriheit der voirs_ va_ wuystherke ov_mits beede en_ versuecke richt_ en_ scepene_ voirs_ . En_ oec om beede wille beide der p_tien . So hebbe_ wij onse_ gemeyne_ zegel ons scepen~stoels aen dese tiege_wordige littere_ doen hangen in getuichge_nisse alle_ des_ voirs_ dingen Ghegeve_ jnt Jaer Ons here_ geboerten dusent dri + hondert vive en_ + negentich xxviij daege in hoermaent