Corpus Van Reenen-Mulder (CRM14): Oorkonde P051p34101

Wi kerstiaen van oesterhove_ gheraert molenman g_eraert di vesch_e willem van oesterhove_ kerstiaen daneels arnout raetmek_e en_ Jan mersman scepene_ van lum_ene van binne_ doen cont dat vore ons en_ gheraerde van sceet richt_e tsheren van lum_ene / gheert bielken en_ lijsbet sijn wief bekinden en_ gheloefden dien tide doe sies machtech waren ane twe stucken beems die gheleghen acht_ di borgh sijn weelghen een stucke gheleghen es bi beemden / arts van molenbroch / en_ arts h_en heirics / en_ dat ander bi beemden ghertruden van molen heirics peters en_ lijsbetten va_ ru_k__en erfleke achtien goede oude grote coni_cs tornose des coni_cs moente van franrike jaerlijcs te v_gheldene des naestes manedaghes na sinte remeys dach omm_meer en_ eweleec lodowike franken ter porten behoef van herkenrode ochte bringh_e des briefs te hebbene Jn dien maniren waert dat sake dat d_ voreghenoemd_ porten ochte bringh_e des briefs niet gnoech ghedaen en worde van desen voreghenoemden achtien groten ten voreghenoemden daghe so mach d_ voreghenoemd_ porten gichdragh_e sijn hant slaen t_ porten behoef also alst ghewoenleec es des anders daghes jn banc va_ lum_ene tote desen voreghenoemden erve_ alse te haren wetteghen erve_ Jn ghetucgnisse d_ waerheit hebbe wi onsen seghel ane desen brief ghehanghen Jnt jaer ons h_en dusent dri + hondert en_ en + e_de + vierdech / en + e_de + vintech daghe Jn wedemaent