Corpus Van Reenen-Mulder (CRM14): Oorkonde P051p34401

Wi kerstiaen van oesterhove_ Reyn_e van oellinghen Willem van melderlaer Lodowigh vrancken Henric van heppen arnout van den venne en_ Jan cloclud_e Scepene_ van lu_menne van de_ lande van bute_ Doen cont en_ tughen dat voer ons en_ vrancken d_ne Richt_e tsh_en van lu_pne Cole van den broeke bekinde en_ gheloefde ane een half bo_re beems dat gheleghen es te scoenlo bi erve Jans quaden jn dene side en_ Jans h_en colen jn dand_ side eerfleke enen goeden gulde_ hellinc ochte tvelve goede oude grote conincs tornoyse des conincs moente van vrancrike jaerlijcs te vergheldene des naestes manedaghes nae sinte remeys daghe ymm_meer en_ eweleec joncvrouwen heylwide_ philips non_e van herkenrode en_ altoes sonder ha_e cost en_ sond_ ha_e scaede te betalene ochte bringh_e sbriefs te ha_e_ behoef te hebbene En_ alsi en es te bliven den ghene_ dien si wilt Welken voreghenoemde_ tsijs die voregh_ joncvrouwe heet becreghen met ene_ wetteghen coepe tieghen colen voreghenoemt En_ jn desen voregh_ onderpande so es ghegoet en_ gheerft cristine tkints van dyst alse ghichd_gh__e t_ voreghenoemd_ jo_cv__uwen behoef met maenniijsse srichters en_ vonnijsse d_ scepene_ en_ daer toe come_ met allen rechte Met sulker voerwaerden vaert dat sake datt_ voreghenoemd_ jo_cv__uwen heylwide_ nijt gnoech ghedaen en woerde ochte bringh_e sbriefs te ha_en behoef va_ desen voreghenoemde_ tsise ten voreghenoemde_ daghe so mach die voregh_ c_stine altoes t_ voreghenoemd_ jo_cvrouwen behoef des anders daghes ha_e hant slaen also alst ghewoenleec es jn die banc van lu_menne tote desen voreghenoemde_ erve alse te ha_en wetteghen erve Jn ghetuechnijsse der waerheyt so hebbe wi scepene_ voreghenoemt onsen ghemeyne_ sieghel ane desen brief ghehanghen jnt jaer ons heren dusent dri + hond_t vire en_ viertech jare elve daghe jn den apriel .