Corpus Van Reenen-Mulder (CRM14): Oorkonde P051p34901

Wij kerstiaen van oesterhoven lodowich vrancken Reynere van oellinghen henric van heppene johan clocludere johan den bossche Ende henric kelbergh Scepenen van lu_pne va_ buten doen cont en_ tughen dat vore ons ende vrancken d_ne Richt_e mijns jonch_en van lu_pne merten va_ goerslaer bekende en_ gheloefde ane een bonre winnachtechs lants luttel mijn ocht meer en_ es gheleghen te goerslaer beneve_ erve henric wirijcs wijf op dene side en_ gheertruden va_ der molen op dander side Ende ane een stucke eusels dat gheleghe_ Es te goerslaer ende ghenoemt es der laer~beemt Ende ane een bonre winnachtechs lants luttel mijn ocht meer dat gheleghen es te goerslaer op den bergh bi erve tgastuys va_ dyste op dene side en_ wouters va_ den berghe op dander side eerflike tvelve oude grote ene_ gulde_ hellinc altoes gherekent vore tvelve oude . grote jaerlijcs te vergheldene des naestes smaendachs nae sinte Remeys daghe y_mermeer en_ euwelec janne petans~meesters knape was va_ herkenrode ocht bringh_e des brijfs va_ Rechte te hebbene jn + den welken voreghenoemden onderpant Die voreghesede jan es ghegoet en_ gheerft te sine_ behoef nae maennijsse tsrijchters en_ voennijsse der scepene_ voregh_ en_ daer touwe Come_ met allen den den Rechte dat jn deser saken sculdech was te gheschine en_ engheen poent va_ Rechte jn deser saken achter~ghelaete_ noch vergheten met alsoe sulker vorwarden waert dat sake dat den voregh_ janne ocht bringh_e sbrijfs va_ Rechte nijt gnoech ghedaen en woerDe van de_ tvelf grote_ voreghenoemt te_ voregh_ daghe Soe mach die voregh_ jan ocht brijngh_e des brijfs va_ Rechte des anders dachs siin hant slaen alsoe alst ghewoenlec es jn die banc va_ lu_pne tote desen voregh_ erve alse te sine_ wetteghe_ erve Jn ghetughenijsse der waerheyt Soe hebbe wij scepene_ voregh_ onsen ghemeyne_ sighel ane desen brijf ghehanghen Ghegeve_ jnt jaer van ons tsch_en gheboerten als men screef Dusent Dri + hondert neghen + e_ viertech acht + en + tvintech daghe jn + den Mey