Corpus Van Reenen-Mulder (CRM14): Oorkonde P051p34902

Wij kerstiaen van oesterhoven Lodowijgh vrancken Reyn_e van oellinghen Henric van heppene jan cloclud_e Jan van den bosche Ende Henric kelbergh Scepene_ van lu_pne van buten Doen cont ende tughen dat voer ons en_ vrancken d_ne richt_e tsh_en van lummene jan der costere van lum_ene bekinde ende gheloefte ane een half bunre beems luttel mijn ocht meer der maten van lummene dat gheleghen es bi erve jan pondernays jn dene side ende juten lathouwers jn dander side eerflike tene oude grote ene_ gulden hellinc altoes gherekent vore tvelve oude grote / jaerlijcs te vergheldene des naestes smaendachs nae sinte remeys daghe ymmermeer ende eweleec janne petans~meester knape was van herkenrode die hi becreghen heeft tieghen den voreghenoemden janne ocht bringhere sbriefs te hebbene . jn den welken voreghenoemden onderpande die voerghesede jan es ghegoet ende gheerft te sinen behoef nae maennijsse srichters en_ voennijsse der scepene_ voerghenoemt ende daer toe comen met allen den rechte dat jn deser saken sculdech es te geschine ende en~gheen poent van rechte in deser saken achter ghelaten noch vergheten Met alsoe sulker voerwaerden waert dat sake dat den voreghenoemden janne ocht bring_e sbriefs nijt gnoecht ghedaen en woerde van den teen grote_ voerghenoemt ten voreghenoemden daghe Soe mach die voerghenoemde jan ocht bringh_e sbriefs des anders daghes sijn hant slaen alsoe alst ghewoenleec es jn die banc van lu_mene tote den voreghenoemden erve alse te sine wetteghen erve jn ghetughenijsse der waerheyt Soe hebbe wij scepene_ voerghenoemt onsen ghemeynen sieghel ane desen brief ghehanghen Ghegheven jnt jaer van ons tsh_en gheboerten als men screef Dusent drie + hondert neghen + en viertech acht + en + tvintech daghe binnen Meys .