Corpus Van Reenen-Mulder (CRM14): Oorkonde P051p37401

Allen den~ghenen di desen brief solen sien en_ hoeren lesen vrindelike gruete voerghesant Met kennisse der waerheit solen weten Dat wi johan clocludere . heinric kelberch . kerstiaen van de_ bosghe . kerstiaen van laren Matheeus huvenere . willem op ghene heyde van Melderlaer . en_ Johan coex . schepenen va_ lu_men van buten doen cont en_ tughen Dat voer ons en_ Joha_ne va_ ha_me richt_ ons heren h_en Everaerts va_ der Marken tsheren va_ lu_men comen es in sinen p_peren p_sone en_ Met sinen eyghenen wille johan tsraetmekers van schoela en_ heeft bekent en_ gheliet dat hi heeft vercocht en_ sculdich es drie guldene jaerlijcs drie aude schilde gherekent voer vire guldene jaerlijcs te vergheldene erflec en_ ewelec joffrouwen Marien va_ lucke nonne en_ onderpriorinne des goetshuys va_ herke_rode ocht den bringher dis briefs va_ rechte te hebben en_ te heffen in sinte Remeys daghe tot des~gheens behoef daers dese voerghe_ joff_ toe beghere_de es dat es te verstane als dese voerghe_ joff_ en es so sal dese voerghe_ ceys blive_ ewelec hare vigilien Mede te doene i_ dat goetshuys voerghe_ welken voerghe_ ceys dese voerghe_ joff_ becreghen heeft Met ene_ wetteghen cope jeghe_ desen voerghe_ johan_e Met deser voerwaerden dat dese voerghe_ johan en_ sine nacomelinghen van desen voerghe_ ceyse niet vervaen en solen sijn voer alreheylihghe_~messe altoes Mar te alreheylighe_~Messe sal dese voerghe_ joff_ ocht bringher dis briefs tot hare_ behoef ocht tot dis goetshuys voerghe_ altoes betaelt sijn voer den~welken voerghe_ ceys dese voerghe_ johan heeft te ond_pa_de ghesat deser voerghe_ joff_ drie sillen bamts luttel Min och luttel Meer gheleghe_ in enen stucke jn gheen fransems broec bi erve joha_s kinder va_ der eyken va_ wuestherke op di ene side en_ bi erve ghylis van westerhove_ op di ander side jn + den welken voerghe_ ond_pant kerstiaen Minbyer es ghegoet en_ gheerft als een ghicht~dragher tot deser voerghe_ joff_ behoef en_ tot dis goetshvys voerghe_ na Manisse des schouteyten en_ vonnisse der schepene_ voerghe_ en_ Met allen den rechte daer toe comen dat in deser saken schuldich es te gheschiene en_ gheen poent va_ rechte jn deser saken acht_~ghelate_ noch v_ghete_ Met alsulker voerwaerden waert dat sake dat deser voerghe_ joff_ ocht bringher dis briefs va_ rechte tot deser joff_ behoef ocht tot dis goetshuys voerghe_ niet gnoech ghedaen en woerde ten voerghe_ tyde altoes va_ desen voerghe_ ceyse so mach comen dese voerghe_ joff_ ocht bringher dis briefs tot dis goetshuys behoef Met den ghichdragher en_ slaen haer hant also alst ghewoenlec es in di banc te lu_men tote dese_ voerghe_ ond_pa_de als tote hare_ wetteghe_ erve waert oech dat sake dat dese voerghe_ ond_pant deser joff_ ocht de_ goetshuse voerghe_ bleve en_ viele voer dese_ voerghe_ ceys so heeft jan voerghe_ voer richt_ en_ schepene_ voerghe_ vernoemt aen desen voerghe_ ond_pa_t staende drie penninghe grunt~ceys de_ h_e va_ lu_me_ te v_ghelde_ jaerlics des maendaechs na sinte Remeys dach en_ oech bede altoes ghelijc de_ reenghenoten welken grunt~ceys en_ oech bede ghelijc de_ reenghenoten kerstiaen dese voerghe_ ghichdragher ghewilcoert en_ gheloeft heeft va_ deser joff_ en_ dis goetshuys voerghe_ weghe_ voert~Meer waert dat sake dat Men van vore eneghe_ cu_mer aen dit voerghe_ erve Meer vinden conste en_ vinden Mochte dan hier vore vernoemt es dat heeft jan voerghe_ gheloeft al af te doene en_ daer vore heft jan voerghe_ ghewilcoert en_ ghesat vore richt_ en_ schepene_ voerghe_ alle sijn goede di hi jan haude_de es va_ de_ here va_ lu_men voerghe_ den onvernoemde_ cu_mer af te doene en_ deser voerwaerde_ begherde kerstiaen voerghe_ va_ deser joff_ weghe_ voerghe_ te heben enen brief en_ jan voerghe_ wilcorde de_ brief sonder sinen cost en_ o_me beghere_ en_ wilcoren beyde der partyen voerghe_ en_ oech o_me~dat wi schepene_ voerghe_ willen dat alle dese voerwaerde_ vast en_ ghestadich bliven so heb wi schepene_ voerghe_ jn enen ghetughenisse en_ in orkunde der waerheit alle der dinghe_ di hier bove_ ghescreve_ sijn onsen ghemeyne_ syghel aen desen jeghewordighe_ brief ghehanghen Ghegheve_ jn + de_ jare nae der gheboerden ons heren doen Men schreef . dusent drie + hondert en_ vier + en + tseventich des veerteendes + daechs der Maent gheheyten (onleesbaar) Mey .