Corpus Van Reenen-Mulder (CRM14): Oorkonde P051p37501

Wij Arnout smoers . jan duchtinc . jan onder~deyke . jan moens Arnout willekens ende heinric erreberch Scepene va_ binne_ te lu_pne doen cont allen luden ende tughen / dat voir ons ende Aelbrechte spapen Schoutheite tsgreve_ van loe Ende janne va_ ha_me Meyer ons liefs ende ghemins h_en . tsh_en van lu_pne / in + de_ selve_ dorpe va_ lu_pne ghestaen Godevaert baerdmek_e bekende gheloefde ende bewijsde janne van brede poerter te dyeste enen ouden scilt tsiaers erfsijs goet van goude ende va_ ghewichte jaerlex erflec en_ o_mermeer in paesch~daghe te heffen te hebben en_ te vervolghe_ overmits de_ voirs_ Janne va_ brede en_ sine_ naecomelinghe_ / aen een huys mette_ hove mette_ gronde en_ met allen dien datter toe behoert dat steet te lu_pne onder onse_ h_e va_ lu_pne tusghen jans dobbelers huys op deen side en_ Arnouts knoeps huys op dander side Ende voirt soe sette de voirs_ godevaert den voirgh_ ja_ne voir de_ voirgh_ oude_ scilt jaerlex te betalene als voirscr_ es tonderpande een eussel dat helt een zille luttel min ocht mee gheheite_ dwalrave_ eente gheleghe_ tusghe_ erve tsh_en va_ lu_pne in beyde_ ziden dair toe ghedaen waert allen dat + me_ sculdich was te doene mette_ rechte jn orconde dis heb wij onsen ghemeyne_ zegel aen dese_ brief ghehanghe_ Gheg_ jnt jaer ons heren dusent drie + hondert tseventich ende vive opte_ groten vastelavont