Corpus Van Reenen-Mulder (CRM14): Oorkonde P051p37502

Allen den ghenen di desen brief solen sien en_ hoeren lesen vrindelike gruete voerghesant met kinnisse der waerheit solen weten / Dat wi johan clocludere . heinric kelberch . kerstiaen va_ den bosghe . kerstiaen va_ laren . willem op ghene heyde . johan coex . en_ Reyner custer schepenen va_ lummen va_ buten doen cont en_ tughen / Dat voer ons en_ joha_ne va_ ha_me richt_ ons heren / h_en Everaerts va_ der Marken tsh_en va_ lu_men comen es jn sinen propere_ p_sone en_ Met sinen eyghenen wille johan tsraetmekers va_ schoela en_ heeft bekent en_ gheliet dat hi heeft vercocht drie guldene enen ouden schilt gherekent voer sestene groete . jaerlijcs te verghelden te sinte johans messe baptisten erflec en_ ewelec joffrouwen alyden van weys Nonne te herkenrode en_ kellersse nu ter tijt ocht bringher dis briefs va_ rechte te hebben en_ te heffen / dat es te verstane / dat dese voerghe_ joff_ aleyt desen voerghe_ ceys becreghe_ heeft jeghe_ joha_ne voerghe_ met enen wetteghe_ cope tot haren behoef en_ tot haerre sust_ joffrouwe Marien va_ weys oech nonne te herkenrode en_ senghersse nu ter tijt en_ oech tot joffrouwe kathelinen va_ brugghe / noch / en_ nu ter tijt scolersse / dat der leste levende va_ desen drien joff_ voerghe_ desen voerghe_ ceys hebben en_ heffen sal / en_ na der lester joff_ doet voerghe_ / te blivene tot der petancien des goetshuys van herkenrode / Voer den welken voerghe_ ceys dese voerghe_ johan heeft te ond_pande ghesat deser voerghe_ joff_ drie stucken erfs dat een stucke es een ente gheheiten gheen~nulinde en_ es houde_de een half buenre luttel Min ocht Meer en_ gheleghen bi erve der joffrouwe_ va_ Mille op di ene side / en_ bi erve johan coex op di ander side / en_ es jaerlics ghelde_de de_ here va_ lu_me_ onder + halve_ pinninc ceys gheheite_ gront~ceys dat ander stucke erfs es ene silla wenachtechs lants lutel Min ocht Meer en_ es gheheiten dbosch~lant en_ gheleghen bi erve johan claes op di ene side / en_ bi erve clarissien va_ den venne op di ander side / en_ es jaerlics ghelde_de enen pinninc gront~ceys de_ voerghe_ here / dat derde stucke erfs es oech ene silla wenachtichs lants luttel Min ocht Meer gheheiten di caters~silla en_ gheleghen bi erve vreedwiven zeelmekers op di ene side en_ bi erve reynken schuermans op di ander side / en_ es oech gheldende ene_ pinninc gront~ceys de_ voerghe_ here / jn den welken voerghe_ onderpa_den / kerstiaen Minbier es ghegoet en_ gheerft als een Momboer en_ een ghichdragher tot desen voerghe_ joffrouwen behoef en_ tot der petancien voerghe_ na Manisse des schouteyten en_ vonnisse der schepene_ voerghe_ en_ Met allen den rechte daer toe comen dat in deser saken schuldich es te gheschiene en_ gheen poent va_ rechte jn deser saken acht_~ghelaten noch vergheten Met alsulker voerwaerden / waert dat sake / dat desen voerghe_ joff_ ocht der petancien voerghe_ niet gnoech ghedaen en woerde altoes ten voerghe_ tyde va_ desen voerghe_ drie guldene_ / so mach comen bringher dis briefs va_ rechte tot desen joff_ behoef voerghe_ / en_ tot der petancien / Met haren Momboer en_ slaen haer hant also alst ghewoenlec es in di banc te lu_men tote desen voerghe_ ond_pande_ / als tot haren wetteghe_ erve / waert oech dat sake / dat dese voerghe_ johan desen voerghe_ ond_pant vallen liete voer desen voerghe_ ceys / soe heeft hi johan ghewilcort en_ gheloeft allen den kummer af te doene di Men aen desen voerghe_ ond_pant vinden Mochte sonder arghelist te suken / vte~ghenomen desen voerghenoemde_ gront~ceys en_ oech bede ghelijc de_ reenghenoten / en_ kerstiaen Minbyer heeft gheloeft va_ deser voerghe_ joff_ en_ petancien weghe_ als haer ghichdragher en_ Momboer deser saken / waert dat sake / dat hun dese voerghe_ ond_pant viele en_ bleve voer dese_ voerghe_ ceys / dat si dan daer af ghelden solen desen voerghe_ gront~ceys / en_ oech bede ghelijc de_ reenghenoeten ter tijt dat di va_ de_ lande va_ lu_men bede ghelde_ en_ schuldich sijn en_ deser voerwaerde_ begherde kerstiaen voerghe_ te hebben enen brief tot deser joff_ behoef joff_ alyden voerghe_ / en_ johan voerghe_ wilcorde den brief / Ende o_me begheren en_ wilcoren beyde der partyen voerghe_ / en_ oech dat wi schepene_ willen dat alle dese voerwarde_ vaste en_ ghestadich bliven / so heb wi schepene_ voerghe_ jn ene_ ghetughenisse en_ jn orkunde der waerheit alle der dinghen di hi boven gheschreven sijn onsen ghemeynen syghel aen desen jeghewordighe_ brief ghehanghen / Ghegheve_ jn + den jare na der gheboerden ons h_en doen Men screef dusent drie + hondert en_ vijf + en + tseventich des naestes donredaechs nae der gheboerden sinte johans baptisten