Corpus Van Reenen-Mulder (CRM14): Oorkonde P051p37601

Allen den~ghene_ di desen brief solen sien en_ hoeren lesen vrindelike gruete voerghesant Met kinnisse der waerheit solen weten . Dat wi johan clocludere . heinric kelberch . kerstiaen va_ de_ bosghe . kerstiaen va_ laren willem op ghene heyde . johan coex . en_ reyner custers . schepene_ te lu_men va_ buten doen cont en_ tughe_ . Dat voer ons en_ vrancken dominus richt_ ons heren . h_en Everaerts va_ d_ Marken tsh_en va_ lum_ene . come_ es jn sine_ p_pere_ p_sone en_ Met sinen eyghene_ wille lodich va_ de_ royde_broeke en_ heeft bekent en_ gheliet dat hi vercocht heeft en_ schuldich es twe guldene dat es te verstane ene_ gulden gherekent voer twelve groete en_ ene_ oude_ scilt voer sestene groete jaerlijcs te vergheldene te sinte johans messe baptiste_ erflec en_ ewelec joffrouwe_ alyden va_ Kolene en_ joffrouwe_ Mechtilden haerre suster beyde nonnen te herkenrode welken voers_ ceys dese voers_ joffrouwe_ hebbe_ becreghe_ Met ene_ wetteghe_ coepe jeghen lodighe voers_ in deser Maniren dat di leste leve_de va_ dese_ voers_ joffrouwe_ dese_ voers_ ceys altemale hebbe_ en_ heffen sal also langhe alsi leve_ sal en_ als di leste joff_ en es so sal dese voers_ ceys blive_ in dat goetshuys te herkenrode daer dese voers_ joff_ des toe beghere_ en_ naemaels ordineren Voer den~welken voers_ ceys dese voers_ lodich heeft te onderpa_de ghesat en_ Met sine_ gheleverde_ Mombore op~ghedraghe_ de_ richt_ in sijn hant en_ daer op te~gad_e verteghe_ tot desen voers_ joff_ behoef en_ tot dis goetshuys voers_ twe stucke_ erfs dat een stucke es drie sillen eusels luttel Min ocht Meer gheleghe_ neven di lake bi erve willem wilborchs op di ene side en_ bi erve dis voers_ lodichs op di ander side dat ander stucke erfs es ene sille luttel Min och Meer di hi lodich voers_ heeft aen een buenre gheleghe_ bi erve godevaerts va_ herla op di ene side . en_ bi erve katherinen va_ de_ leene op and_ side . jn + de_ welke_ voers_ ond_pande_ kerstiaen Minbier es gheghoet en_ gheerft als een Momboer en_ een ghichtdragher tot desen voers_ joffrouwe_ en_ goetshuys behoef nae Manisse des richters en_ vonnisse der schepene_ voers_ en_ Met allen de_ rechte daer toe come_ tot dese_ voers_ joff_ en_ goetshuys behoef dat in deser sake_ sculdich es te gheschiene en_ gheen poent va_ rechte in deser sake_ acht_~ghelate_ noch vergheten Met alsulker vorwaerden waert dat sake dat desen voers_ joff_ ocht bringher dis briefs va_ rechte tot dese_ voers_ joff_ ocht goetshuys behoef niet gnoech ghedaen en woerde altoes ten voers_ tyde va_ desen voers_ ceyse so mach come_ dese voers_ Momboer ocht bringher dis briefs va_ rechte tot dese_ joff_ voers_ ocht goetshuys behoef ende slaen sijn hant also alst ghewoenlec es in di banc te lu_mene tot desen voers_ ond_pa_de_ te hare_ wetteghe_ erve en_ dese voers_ lodich heeft gheloeft op alle sijn goede voer richt_ en_ schepene_ voers_ allen voerku_mer af te doene di Men aen dese voers_ ond_pa_de vinden Mochte vte~ghenome_ vier penninghe grunt~ceys de_ here va_ lu_mene te sinte remeys messe jaerlics te betalene en_ bede ghelijc de_ reeghenoeten welke_ voers_ grunt~ceys en_ bede ghelijc de_ reenghenoten dese voers_ joff_ en_ kerstiaen haer Momboer voers_ hebbe_ te~gad_e gheloeft va_ hare_ weghe_ en_ va_ dis voers_ goetshuys weghe_ te gheldene waert dat hun di ond_pa_de vielen en_ bleve_ voer desen voers_ ceys en_ deser guedinghe_ begherde_ dese voers_ joff_ te hebben ene_ brief en_ lodich voers_ wilcorde de_ brief sond_ sine_ cost des briefs En_ o_me beghere_ deser joff_ voers_ en_ wilcore_ lodichs voers_ en_ want wi schepene_ voers_ oech willen dat alle dese voerwaerde_ vaste ende ghestadich blive_ so heb wi schepene_ voers_ jn ene_ ghetughenisse en_ jn orkunde der waerheit alle der dinghen di hier bove_ ghescreve_ sijn onsen ghemeyne_ syghel aen desen jeghewordighe_ brief ghehanghen ghegheve_ jn de_ jare na der gheboerden ons heren doen Men screef dusent drie + hondert en_ sess + en + tseventich des naestes donresdaechs nae sinte johans dach baptisten