Corpus Van Reenen-Mulder (CRM14): Oorkonde P051p37901

Allen den~ghenen di desen brief solen sien en_ hoere_ lesen vrindelike gruete voerghesant Met kinnisse der waerheit sole_ wete_ Dat wi johan clocludere . Heinric kelberch . kerstiaen va_ de_ bosghe . kerstiaen va_ laren . johan coex . Reyner custers . en_ lambrecht mathijs schepene_ va_ lu_me_ va_ buten doen cont en_ tughe_ Dat voer ons en_ vrancke_ dominus richt_ ons heren . h_en Everaerts va_ d_ Marke_ tshere_ va_ lu_men comen es jn sinen p_pere_ p_sone en_ met sinen eyghene_ wille arnout boghaerts va_ den wuwenrode en_ heeft bekint en_ gheliet dat hi heeft vercocht en_ sculdich es achteene oude grote ene_ gulde_ ghereke_t voer twelve groete ocht enen oude_ scilt goet en_ ghelovich va_ goude en_ va_ ghewichte gherekent voer sestene groete jaerlics te vergheldene jn sinte remeys daghe erflec en_ ewelec en_ dat es in deser manieren Dat va_ dese_ voerseden achteene groeten der wercmeesterien des goedshuys va_ herkenrode alsaen te blivene en_ vordane erflec te heffene teene oude groete en_ di ander achte groete sal hebbe_ en_ heffen joffrouwe kerstina skins nonna te herke_rode en_ wercmeesterssa en_ na joff_ kerstine_ doet sal aleit van ghelene_ dese voers_ achte groete hebben en_ heffen tot hare_ behoef also langhe alsi aleyt leve_ sal en_ na doet alyde_ voers_ so solen dese voers_ achte groete blive_ erflec ende ewelec tot der petancien des goedshuys va_ herke_rode welke voers_ achtene groete dese voers_ joff_ kerstina becreghe_ heeft met ene_ wettighen cope jeghe_ arnoude voers_ o_me ene seker su_ma va_ ghelde daer hi arnout wale en_ wettilec af betaelt es va_ deser voers_ joff_ weghen also~dat arnout voers_ te ond_pa_de heeft ghesat voer dese_ voers_ ceys een buenre wenachtichs lants luttel min och meer doergrave_ met enen grachte en_ gheleghe_ te wuwenrode neven di strate bi erve arnouts voers_ acht_ sine scure op di ene side en_ bi erve johans boghaerts arnouts brueder voers_ op di and_ side . jn den~welke_ voers_ onderpa_de kerstiaen minbier es ghegoet en_ gheerft als een ghicht~dragher en_ momboer tot deser voers_ joff_ behoef en_ goetshuys voers_ na manisse des scouteyte_ en_ vo_nisse der schepene_ voers_ en_ met allen de_ rechte daer toe come_ tot d_ joff_ behoef ende goedshuys voers_ dat jn deser sake_ sculdich es te ghesciene en_ gheen poent va_ rechte jn deser sake_ acht_~ghelate_ noch v_gheten met alsulker voerwaerde_ waert dat sake dat deser voers_ joff_ ocht goetshuse voers_ niet gnoech ghedaen en woerde altoes ten voers_ daghe va_ dese_ voers_ ceyse so mach come_ brengher dis briefs va_ rechte met hare_ mombore en_ slaen hare hant also alst ghewoenlec es in di banc te lu_mene tot desen voers_ onderpande als tot hare_ wettighe_ erve_ en_ dan solen si daer af ghelden bede ghelijc den reenghenoete_ en_ vire penninghe grunt~ceys jaerlics te sinte remeys + messe den here van lu_mene te gheldene gheliker~wijs dat kerstiaen voers_ met hare_ consente en_ wille ghewilcoert en_ gheloeft heeft als hare mo_bore waert oech dat sake dat aen desen voers_ ond_pant enich ander voercu_mer stoende dan hi vernoemt es dien heeft arnout voers_ gheloeft altoes af te doene en_ deser vorwaerde_ en_ guedi_ghe_ begherde dese voers_ joff_ te hebbe_ enen brief ende arnout voers_ wilcorde de_ brief en_ o_me beghere_ en_ wilcore_ beyde der partyen voers_ en_ oech o_me~dat wi schepenen voers_ willen dat alle dese vorwaerde_ vaste en_ ghestadich bliven so heb wi schepene_ voers_ jn ene_ ghetughenisse en_ jn orkunde der waerheit alle der dinghe_ di hier bove_ ghescreve_ sijn onsen ghemeyne_ syghel aen desen jeghewordighe_ brief ghehanghen Ghegheve_ jn + de_ jare nae der gheboerde_ ons heren doen men screef dusent drie + hondert tseve_tich ende neghene des anders daechs nae sinte peters en_ sinte pauwels dach der apostela ons heren