Corpus Van Reenen-Mulder (CRM14): Oorkonde P051p37902

Allen ghenen di dese_ brief sole_ sien en_ horen lesen vrindelike gruete voerghesant met kinnisse d_ waerheit solen wete_ dat wi johan cloclud_e . heinric kelberch . kerstiaen va_ de_ bosghe . kerstiaen van laren . johan coex . reyner custer . en_ lambrecht mathijs . schepene_ va_ lu_me_ va_ bute_ doen cont en_ tughe_ Dat voir ons en_ vrancken dominus richt_ ons here_ h_en Everaerts va_ d_ Marke_ tsheren va_ lu_men come_ es jn sine_ p_pere_ p_sone en_ met sinen eyghene_ wille . Mathijs keesken en_ bekint en_ gheliet dat hi v_cocht heeft en_ sculdich es twee guldene drie oude scilde goet en_ gheve va_ goude en_ va_ ghewichte ocht die werde daer af gherekent voer vire guldene jaerlijcs te vergheldene godevaerde va_ de_ bomen va_ dyeste en_ sinen gherven ocht bringher dis briefs va_ rechte te hebbe_ erflec en_ ewelec altoes in sinte andries daghe mar daer mede niet vervaen te sine altoes tot kersmesse welke voers_ twee guldene dese voers_ godevaert becreghe_ heeft jeghe_ mathyse voers_ met ene_ wetteghe_ cope o_me ene seker su_me va_ ghelde ? ?? mathijs voers_ wale en_ wettelec ?~??????? es en_ vergouden voer de_~welke_ voers_ ceys dese voers_ Mathijs heeft te ond_pa_de ghesat dese_ voers_ godevaerde twee buenre bamde luttel min och meer gheheiten dat beghine_~broec en_ gheleghe_ op oversla bi erve Matheeus kind_ huveners op di ene side en_ bi erve alyden va_ ghestel op di ander side Jn + den welken voers_ ond_pa_de_ dese voers_ godevaert es ghegoet en_ gheerft te sine_ behoef en_ tot sine_ gherve_ na manisse des scouteyten en_ vo_nisse d_ schepene_ voers_ en_ met allen den rechte daer toe come_ dat in deser saken sculdich es te gheschiene en_ gheen poent va_ rechte in deser sake_ acht_~ghelate_ noch verghete_ met alsulker vorwaerden waert dat sake dat desen voers_ godevaerde en_ sine_ gherve_ ocht bringher dis briefs van rechte niet gnoech ghedaen en woerde altoes va_ desen voers_ ceyse ten voers_ tyde so mach come_ dese voers_ godevaert ocht bringher dis briefs va_ rechte en_ claghen i_ di banc te lu_men over dese_ voers_ ond_pant en_ ter ander claghen sal hi dese_ voers_ ond_pant verreyken en_ sijn hant daer aene slaen en_ ghewijst werde_ als tot sinen wettighen erve en_ dan sal hi jaerlics ghelde_ te sinte remeys + messe de_ here va_ lu_me_ va_ dese_ voers_ goede sesse pinni_ghe grunt~ceys en_ oech bede ghelijc de_ reenghenoten ter tijt als dat ghemeyne lant~bede ghilt de_ voers_ here waert oech dat sake dat aen dit voers_ goet enech and_ voerku_mer stoende dan hier vernoempt es dat heeft mathijs voers_ ghewilcoert en_ gheloeft af te doene en_ deser vorwaerde_ en_ guedi_ghe_ begherde dese voers_ godevaert te hebbene ene_ brief en_ mathijs voers_ wilcoerde de_ brief en_ o_me beghere_ en_ wilcore_ beyde d_ partyen voers_ en_ oech o_me~dat wi schepene_ voers_ willen dat alle dese vorwaerde_ vast en_ ghestadich blive_ so heb + wi schepene_ voers_ jn ghetughenisse en_ in orku_de_ der waerheit alle der dinghe_ di hier bove_ ghescreve_ sijn onsen ghemeyne_ syghel aen desen jeghewordighe_ brief ghehanghen Ghegheve_ jn + de_ jare ons _en doen men screef dusent drie + hondert seventich en_ neghene des anders daechs nae sinte Peters en_ sinte pauwels dach der apostele ons liefs heren