Corpus Van Reenen-Mulder (CRM14): Oorkonde P051p38301

Allen den~ghene_ di dese_ brief sole_ sien en_ hoere_ lese_ vrindelike gruete voers_ / solen wete_ / Dat wi arnout moers johan duchtinc johan onderdeyke johan moens . heinric errenberch johannes nubeckere en_ kerstiaen lemmens . schepene_ der vryheit des dorps va_ lu_men doen cont en_ tughe_ / dat voer ons en_ johan_e va_ de_ venne richt_ ons heren . h_en Everaerts va_ d_ Marke_ tsh_en va_ lu_me_ come_ es in sinen p_pere_ p_sone en_ met sine_ eyghene_ wille willem goris ocht gheheite_ va_ de_ ven_e en_ heeft bekint en_ gheliet dat hi te pachte en_ te ceyse ghenome_ heeft jeghe_ johan_e va_ brede va_ dyest seve_ stucke_ erfs ond_ bemde en_ lant / dat een stucke es ene placke bems gheleghe_ acht_ di borch te lu_me_ bi erve des h_en va_ lu_me_ op di ene side / en_ bi erve jan smeets op di and_ side / dat and_ stucke es derde + halve sille lants luttel min och meer gheleghe_ bi erve tsh_en va_ lu_me_ voers_ op di ene side / en_ bi erve godevaerts kind_e va_ incslaer op di and_ side / dat derde stucke es . ond_ + halve sille lants gheleghe_ aen di denkens haghe bi erve tsh_en van dyest op di ene side en_ lodich vra_cke_ ki_d__e op di and_ side / dat vierde stucke es een sille lants gheleghe_ op dat krykels velt bi erve heinric kelbers op di ene side en_ neve_ de_ menewech op di a_der side / dat vijfde stucke es ene sille lants gheleghe_ bove_ de_ hole_~wech bi erve dyderics va_ zanthove_ op di ene side en_ herman meeus op di and_ side / dat sesde stucke es ond_ + halve sille lants gheleghe_ opt hoefke_ bi erve tsh_en va_ lu_me_ op ene side en_ heinric clocluders op di and_ side / dat seve_de stucke es een stucke lants gheleghe_ op de_ eechout bi erve tsh_en va_ lu_me_ op di ene side en_ arts va_ halechtren op di and_ side va_ de_~welke_ voers_ erve dese voers_ willem heeft gheloeft johan_e voers_ en_ sine_ erve_ jaerlics te verghelde_ erflec en_ euwelec te sinte remeys messe twee oude scilde goet en_ ghelovich va_ goude en_ va_ ghewichte ocht di werde da + ef te dyest in sijn huys ghelevert voert sal hi willem va_ dese_ voers_ erve jaerlijcs ghelde_ erflec en_ ewelec tene halst_e rogghe_ goet en_ ghelovich te sinte a_dries messe / va_ de_~welke_ pachte willem verghelde_ sal jaerlics des heylichs cruys autare te lu_me_ enen halst_ en_ di neghene halst_e sal hi willem_ altoes lev_en te dyest dese_ voers_ jan_e en_ sine_ erve_ sond_ hare_ cost / voer de_~welke_ voers_ ceys en_ pacht dese voers_ wille_ heeft mede te ond_pa_de ghesat tot dese_ voers_ erve / een eusel es gheleghe_ aen de_ tyelwi_ckel~wech op di ene side / en_ bi erve spersoens va_ linckout op di and_ side met deser vorwaerde_ / waert dat sake / dat wille_ och sine_ erve_ di macht ghecreghe so mach hi altoes dese_ voers_ ceys quite_ met volle_ ceyse en_ elke_ scilt met twintich scilde_ voers_ en_ wa_nee dat hi ene_ scilt af~gheleet en_ ghequijt heeft so en sal dit voers_ eusel niet meer vordane voer ceys noch voer pacht voers_ mede ond_pant sijn mar daer af salt quite sijn / voert mach wille_ ocht sijn erve_ dese voers_ neghen halst_e rogghe_ altoes quite_ met volle_ pachte en_ met veertich guldene_ drie oude scilde ghereke_t voer vire guldene / ocht hi mach eerstwerve_ vire halst_e af~legghe_ en_ quite_ met vollen pachte dats met vire halst_en en_ met twintich guldene_ voers_ en_ di and_e vijf halst_e oech met volle_ pachte altoes en_ met twintich guldene_ voers_ / jn + de_ welke_ voers_ ond_pa_de_ dese voers_ johan es ghegoet en_ gheerft te sine_ behoef en_ te sine_ erve_ na manisse des scouteyte_ en_ vo_nisse der schepene_ voers_ / en_ met allen de_ rechte daer toe come_ dat in deser sake_ sculdich es te gheschine en_ gheen poent va_ rechte in deser sake_ achter~ghelate_ noch verghete_ met alsulker vorwarde_ / waert dat sake dat dese_ voers_ joha_ne ocht sine_ erve_ ocht bringher dis briefs va_ rechte niet gnoech ghedaen en woerde altoes ten voers_ tyde va_ dese_ voers_ ceyse en_ pachte / so mach hi johan voers_ ocht bringher dis briefs va_ rechte comen en_ slaen sijn hant alsoe alst ghewoenlic es in di banc te lu_me_ tot dese_ voers_ ond_pa_de en_ erve als tot sine_ wettighe_ erve / en_ deser vorwaerde_ begherde johan voers_ te hebbene ene_ schepe_~brief / en_ willem voers_ wilcorde de_ brief sond_ sine_ cost va_ de_ brieve / En_ beghere_ en_ wilcore_ beyde der partyen voers_ / en_ want wi schepene_ voers_ oech willen dat alle dese vorwaerde_ vast en_ ghestadich blive_ / so heb wi schepenen voers_ jn ghetughenisse en_ in orkunden der waerheit alle der dinghen di hier + boven ghescreve_ sijn onsen ghemeyne_ syghel aen desen jeghenwordighe_ brief ghehanghen / Ghegheve_ jn + den jare nae der gheboerde_ ons heren doen men screef dusent dri + hondert tachtintach en_ drie des achdes daechs i_ di zaetmaent