Corpus Van Reenen-Mulder (CRM14): Oorkonde P051p39201

Wi lambrecht mathijs . _tiaen van den bosghe . Rener van den houte . johan Reyners . henric clocluder . johan claes ende Rener der custer . Scepen van lu_men van buthen tughen ende doen Cont allen luden die desen brief suelen sien ofte hu_en lesen dat vor ons ende nijs van den wigarde Richt_ ons heren . heren Everarts van der m_ken tsheren van lu_men come_ sijn in p_p__en p_sonen bescheyden lide bruder johan van musen g_tmeest__ des cloest_s van herkenrode met Arde lovensghe wetteghe momb_ in ons_ banc ghesadt des cloest_s vors_ van der eenre siden ende wout_ duetsen van sentiorijsbroke van der anderre siden weleghe g_tmeest__ vors_ in erve gaf ende ghegheven heedt ov_mids den momb_ vors_ den vors_ wout_ duetsen dertine roden bamps tot den~weleghen dit vors_ cloest_ met hoefs rechte ende met vo_nisse ov_mids ghebreke van ciese ghewijst ende gheliedt es hove_de in ons_ banc gheleghen in enen stucke op een stat gheheyte_ fransemsbroke bi erve nijs wijma_s van wustherke op deen side ende bi erve der kind_en johan bilien van sentiorijsbroke bi der and_e ende bi die lake op die derde ende bi erve arts roden op di virde om twe gulden drie audt scilde g˚et van goude ende swaer van ghewicht vor vire gulden in desen gherekent alle jaer ende eerffeleec te sente rameys + misse te betalen van desen wout_en vors_ dese dertine roden bamps als vor desen cijs vors_ ontfaende vor ons scep_ boven~ghescreven op weleghe dertine roden bamps die g_tmeest__ vors_ verteghen heedt van des cloest_s weghen vors_ behoudelec den cijs vors_ den~selve_ cloest_ van den vors_ wout_ ende sijn nacomelinghen eweleec ende eerffeleec te betalen . jn deser vorw_den weert dat sake des niet sijn en moet dat dese vors_ wout_ ocht sijn nacomelinghen ghebrekeleec w_en in betalinghen des vors_ cijs i_ eneghe_ dele ochte ghehele altoes ten vors_ t_mine so mach chomen bode des cloest_s vors_ met desen brive tot des goetshuus behoef met den ghichtdreg_ ende slaen huer hant alst ghewonlec es in die banc van lu_men tot den vors_ ond_pande alse tot huren wetteghen erve behoudelec des here_ gront~cijs . ende bede ghelike reynghenothen te betalen wert dat sij tot desen g˚de quemen vors_ . hijr toe ghedaen allen rechte_ ghewonte_ ende solle_niteyte_ die sculdich sijn te ghescien i_ ons_ banc in alsustenegher sake_ in~gheen p˚nt van rechte after~ghelate_ nocht verghete_ in allen desen vors_ daer na dat ons banc te rechte steedt . Alle erghe~liiste ende nuwe vonde vtghesloten . Jn ghetuge_nisse der waerheyt alle der dinghen bove_~ghescreven hebben wi scepe_ vors_ onsen ghemeynen sieghel aen desen brief ghehanghen ov_mids versueken . begheren ende wilcore_ beyder p_tien vors_ . jnt jaer van der gheborthen ons he_en dusent drii + honderdt tneghentich ende twe des ierste dachs der maent junij